Әдептілікке тәрбиелеу (оқу-әдістемелік құрал) Дайындаған: Қапарова Ж. У
жүктеу/скачать 5,38 Mb.
|
| Қарама-қайшылық әдісі:
1. «Жақсы-жаман» ойыны «Жақсы-жаман» ойыны балаға бір заттың жақсы да, жаман жағын табуға үйретеді. Осындай ойындар балаларға айналадағы қарама-қайшылықты түсінуге көмектеседі. «Жақсы-жаман» ойыны бірнеше кезеңмен өткізіледі. І кезең. Балаға жағымды немесе жағымсыз эмоция келтірмейтін объект таңдалып алынады. Ондай объектілерге мыналар жатады: қарындаш, шкаф, кітап, шаш, т.б. Ойыншылар барлық таңдалып алынған объектілердің «жақсы-жаман» жағын айтуы қажет, ұнайды немесе ұнамайды, жайлы ма, жайсыз ба, т.б. Мысал: үстел шамы: – жақсы, өйткені әдемі; – жаман – тұрақсыз; – жақсы – шыны болғаны, көп жарық береді; – жаман – оңай сынып қалады; – жайлы – өйткені үстел үстіне қоюға болады; – жайсыз – іргеге іліп қоюға болмайды. ІІ кезең. Баланың жаратымды немесе жаратымсыз эмоциясын туғызбайтын ойын үшін объект немесе құбылыс ұсынылады, бұл мәндес баға беруге әкеледі: қуыршақ – «жақсы», дәрі – «жаман», т.б., талқылау І кезеңдегі тәртіппен болады, тек ересек адам балаға объект немесе құбылыстың жақсы, жаман жағын анықтауға көмектеседі. Мысалы, екпе шаншу: – жаман – өйткені ауыртады; – жақсы – тез тәуір боласың; – ұнамайды – қорқынышты; – ұнайды – екпе жасағаннан кейін, анам батылдығың үшін мақтайды; – жақсы көрмеймін – өйткені ине шаншып алады; – жақсы көремін – анам сосын ертегі оқиды. ІІІ кезең. Балалар объекті мен құбылыстың қарама-қайшылық қасиеттерін жекелеуге үйренгеннен кейін, объект пен құбылысқа қойылатын жаратымсыз және жаратымды қасиеттерін тәуелдікке сай жағдайларда қарап шығу. Мысалы, аяз: – жақсы – үйде жылы пештің қасында отырған; – жаман – аялдамада тұрып автобус күткен. ІV кезең. Ойын балаларды екі командаға бөлу арқылы өткізіледі. Ойын барысында бірінші команда талқылауға берілген объект немесе құбылыстың тек жаратымды жақтарын, ал екінші команда тек жаратымсыз жақтарын атауы керек. Тапсырма: 1. Ұсынылған объектілердің бір реттен болсын, балалар «жақсы», «жаман» жақтарын атаулары қажет. Алтернативті жұпты топтың әр мүшесі атап өтуі керек және айтылуы қайталанбауы қажет. жүктеу/скачать 5,38 Mb. Достарыңызбен бөлісу:
|