Мұсылманқұлов. Нұрқат, сен өзің босатып жіберсең болмай ма оларды?
Генерал. Болмайды. Міндетті түрде прокурордың рұқсаты керек.
Мұсылманқұлов. Шақыр онда Әбиірбекті осында, тез жетсін.
Генерал (телефон нөмірін теріп, тұтқаны Мұсылманқұловқа ұсынады). Мінекиіңіз, өзіңіз сөйлесіңіз. Прокурорға менің билігім жүрмейді.
Мұсылманқұлов (телефон тұтқасын құлағына жақындатып). Әбиірбек, сен осы қазір генералдың кабинетіне жетші. Қай генералы несі, Нұрқат... Ия, келіп қалдық... Дереу кел! (Генералға). Бұл Таразда кісіге шай ұсыну деген ұмытылған ба, немене? Жоқ, мен Шымқалаға шайларыңды да ала кеттім бе?
Генерал (ішкі телефонмен). Айгүл, бізге шәй әкелші.
Прокурор кіреді.
Прокурор (қуанып). Сәлеметсіз бе, Ерік Көбенович! (екеуі қол алысады). Иә, келіп қалыпсыз, Ерік Көбенович! Өте жақсы!
Мұсылманқұлов. Жақсы болмай тұр ғой бұл келісім. Соңымнан шу шығарып жатыр екенсіңдер, соған келдім.
Достарыңызбен бөлісу: |
