«Адамды тәрбиелеу – демек, оның ертеңгі қуанышқа ие болатын келешек жолын тәрбиелеу»
жүктеу/скачать 2,04 Mb.
|
- Бұл бет үшін навигация:
- «Адамды тәрбиелеу – демек, оның ертеңгі қуанышқа ие болатын келешек жолын тәрбиелеу» А.С. Макаренко
- МКҚК «Бәйтерек» балабақшасы «Гүл шоғы» тақырыбындағы кіріктірілген оқу іс-әрекетінің технологиялық картасы (тәй-тәй технологиясымен)
- «Ғылым» орталығы
- «Көркем әдебиет» орталығы
- «Аспазшы» - сюжетті-рольді ойын орталығы
- « Өнер» орталығы.
- Саусақ жаттығуы
- Ғылым» орталығында тәрбиеші: Нұрмагамбетова Динара Көмекбайқызы «Көркем әдебиет» орталығында тәрбиеші: Ақмолдина Амангүл Мұратжанқызы
| Түпқараған аудандық білім бөлімі, аудандық білім үйлестіру орталығының бекітілген жоспарына сәйкес, Түпқараған аудандық білім үйлестіру орталығының әдіскері Қ. Изтлеуованың ұйымдастыруымен балабақшамызда «Мектепке дейінгі балаларды оқыту мен тәрбиелеудегі жеке тұлғаға бағытталған және құзырлылық амалдар» тақырыбында аудандық семинар өткізілді.
«Адамды тәрбиелеу – демек, оның ертеңгі қуанышқа ие болатын келешек жолын тәрбиелеу» А.С. Макаренко Елбасы Н.Назарбаев «Қазақстан-2050» стратегиясы қалыптасқан мемлекеттің жаңа саяси бағыты» атты халыққа Жолдауында «Бүкіл әлемдегі сияқты, Қазақстан мектепке дейінгі білім берудің жаңа әдістеріне көшу керек»деп атап өткен болатын. Түпқараған ауданы, Ақшұқыр селосы, МКҚК «Бәйтерек» балабақшасы жоба бойынша 140 бала тәрбиелеуде. Балабақшамызда тәжірибелі жоғары санатты мамандармен қоса жас мамандардар да еңбек етуде. Балабақша педагогтары мектепке дейінгі оқыту мен тәрбиелеу үрдісінің жаңа әдістерін пайдаланып келеді. Республикалық, облыстық білім жетілдіру курстарына қатысып, жаңа бағытта «Тәй-тәй», «Монтессори», «Тұз терапиясы» технологияларын оқу үрдістерінде енгізіп бастадық. Осы оқу жылында Түпқараған аудандық білім бөлімі, аудандық білім үйлестіру орталығының бекітілген жоспарына сәйкес, Түпқараған аудандық білім үйлестіру орталығының әдіскері Қ. Изтлеуованың ұйымдастыруымен балабақшамызда «Мектепке дейінгі балаларды оқыту мен тәрбиелеудегі жеке тұлғаға бағытталған және құзырлылық амалдар» тақырыбында аудандық семинар өткізілді. Мақсаты: Мектепке дейінгі ұйымдарда тәрбие мен оқыту процесіне жаңа технологияларды пайдалану, жеке тұлғаны жан-жақты дамыту, жас мамандарға әдістемелік көмек көрсету және тәжірибе алмасу. Семинар практикалық бөлімнен басталып, онда балабақша тәрбиешісі Д.Нұрмагамбетова, А.Ақмолдина, Ж.Бекназарова және ата-ана А.Нурбосиновалар орталықтарда «Тәй-тәй»технологиясымен үлгі сабақ көрсетсе, «Табиғат байлықтары» тақырыбында «Тұз терапиясын» қолдана отырып, жоғары санатты тәрбиешіміз А.Бекмагамбетова, «Жауқазын» балабақшасының тәрбиешісі А.Бекмұратова, «Айгөлек» балабақшасының тәрбиешісі Б.Беришбаевалар десант сабақ көрсетті. С.Тоғызбаева, М.Онайбаева, Г. Жайчибековалар «Балабақшадағы жеке тұлғаға бағытталған үш тілді үйретудегі құзырлылық амалдар» тақырыбында ертегі желісінде ересек топ тәрбиеленушілерінің қатысуымен ертегілер еліне саяхат жасады. «Біз өнерлі баламыз» атты сазды өнер көрсетілімін ән-саз жетекшісі А.Темиртасова, «Қиял әлемінде» қол өнер көрмесін бейнелеу пәні жетекшісі Ж.Бекназарова көрсетті. Балабақша психологі Б.Шайхигалиева келген қонақтармен «Ұжымдық. Достық. Әріптестік» тақырыбында қызықты тренинг ұйымдастырды. Семинар соңы дөңгелек үстел басында пікір алмасумен қорытындыланды. Нәтижесінде үлгілі сабақ көрсеткен балабақшамыздың тәрбиешілері А.Бекмагамбетова, Д.Нұрмагамбетовалар, «Бәйтерек» балабақшасы аудандық білім бөлімі басшысының «Алғыс» хатымен марапатталды. Семинардың жақсы деңгейде өтуін ұйымдастырып, басшылыққа алған балабақша директоры Ү.Нұрмұханқызының еңбегі ұшан-теңіз. Аудан көлемінде осындай семинарлар ұйымдастырып, жас мамандарға тәжірибе көрсету игілікті істің бастауы болса, біздің балабақшадан азғантай болса да өздеріне қажетті тұстарын алып жатса, біз оған қуаныштымыз. Түпқараған ауданы Ақшұқыр селосы «Бәйтерек» балабақшасының әдіскері П.Жансап МКҚК «Бәйтерек» балабақшасы «Гүл шоғы» тақырыбындағы кіріктірілген оқу іс-әрекетінің технологиялық картасы (тәй-тәй технологиясымен) 
Білім беру саласы: «Таным», «Қатынас», «Шығармашылық». Ұйымдастырылған оқу іс-әрекеті: Экология, көркем әдебиет, бейнелеу өнері. Тақырыбы: «Гүл шоғы». Мақсаты: Білімділігі: Гүлдер туралы түсінік беру арқылы қызғалдақ гүлін танып атай білуін дамыту, гүл шоғы туралы мағлұмат беру. Бөлме гүлдерімен дала гүлдерінің айырмашылығын түсіндіру. Аспазшылыққа үйрету. Дамытушылығы: Ойлау, есте сақтау қабілеттерін дамыту, сөздерді анық айтуға машықтандыру. Шығармашылық қабілеттерімен,эстетикалық сезімін қалыптастыру. Тәрбиелілігі: Табиғатқа, гүлдерге деген қамқорлық сезімдерін ояту. Табиғатқа сүйіспеншілікпен қарауға тәрбиелеу. Көрнекіліктер: Ғылым орталығы: ноутбук, гүл туралы слайд,құмырадағы табиғи қызғалдақ гүл шоғы. Өнер орталығы: гүлдер жиынтығы макеті, су сүлгі, ермексаз, тақтай. Көркем әдебиет орталығы: ноутбук, табиғи қызғалдақ гүлінін макеті. Әдіс –тәсіл: сөздік, зерттеу, түсіндіру, көрсету, сұрақ -жауап. Жаңа сөз: гүлдің күлтешесі. Билингвизм: Гүл-цветок, қызғалдақ-тюльпан Гүл шоғы-букет цветов Технология: «Тәй- тәй» технологиясы. Жұмыс жасайтын орталықтар: «Ғылым», «Көркем әдебиет», «Өнер», «Аспаз» орталықтар.
Күтілетін нәтиже: Нені білу керек: Гүлдер туралы, гүл шоғы туралы түсінеді. Нені игереді: Қызғалдақ гүлін мүсіндеуді, гүл түрлерін ажырата білді. Нені білді: Қызғалдақ гүлін танып атады, гүл шоғын жасап үйренді. Ғылым» орталығында тәрбиеші: Нұрмагамбетова Динара Көмекбайқызы «Көркем әдебиет» орталығында тәрбиеші: Ақмолдина Амангүл Мұратжанқызы «Өнер» орталығында бейнелеу пәні мұғалімі Бекназарова Женіс Базарбайқызы «Аспазшы» сюжетті–рөлді ойын орталығында ата-ана: Нұрбосинова Айман Сұлтанқызы  
Түпқараған ауданы Ақшұқыр селосы МКҚК «Бәйтерек» балабақшасы Тәрбиеші: А.Бекмагамбетова
жүктеу/скачать 2,04 Mb. Достарыңызбен бөлісу:
|