Қайтарылмайды бұл уақыт,
Қайталанбайды бұл уақыт,
Таппайсың, ертең іздесең,
Қайта оралмайды бұл уақыт.
Уақыт-ай, уақыт, зырлайды,
Артына мойнын бұрмайды.
Кешіксең, бітті, ол сені,
Бір секунд күтіп тұрмайды.
Біреудің күні өтпейді,
Біреуге уақыт жетпейді.
Есептеп үйрен уақытты,
Еңбегің зая кетпейді.
|
Бұл өмір деген – қас қағым
Өтер де кетер жас шағың!
Сыйлатқың келсе өзіңді,
Уақытын сыйла басқаның.
Ойлама бәрін білем деп,
Шалқып та тасып жүрем деп.
Уақытың –алтын қазынаң,
Жұмсауың керек үнемдеп.
Өзіңді - өзің алдама,
Уақытты салма саудаға.
Өткізе бермей жай ғана,
Уақытты жарат пайдаңа.
|