С.Сейфуллин атындағы Қазақ агротехникалық университетінің «Сүт және сүт өнімдерін өндіру цехы» сүт өндірісінің заманауи технологияларын пайдаланудың тәжірибелік біліктілігін жетілдіру мақсатында 2016 жылы ашылған болатын. Жартылай автоматтандырылған бұл цех дәл оқу орны аумағында орналасқан. Аусымда 250-500 литр көлемінде сүт өндіре алады.
Сондай-ақ бұнда сүзбе, ірімшік, құрт тағы басқа сүт өнімдері дайындалады.
Цехтың негізгі бөлімдері:
- өндірістік аумақ; киінетін бөлме; санитарлық торап;экспедиция; сүт өнімдеріне арналған тоңазыту камерасы;кіру тамбуры; ірімшік тұздау және жетілдіру камерасы; ашыту бөлімі; зертхана;жылу торабы.
Цех флягты сорғы; аустырмалы картридждер жиынтығы бар сүтті толық тазалау сүзгісі; ТМУ-50, ТМУ-250, ұзақ пастерлеуге арналған ванна; сүт сорғысы; сепаратор; бұрандалы сорғы; пресс-арба; ірімшік сөресі; ТМУ ванналарды қыздыратын Бойлер жүйесі; ТМУ ванналарын басқаруға арналған, 6 өнімге дейін технологиялық үрдістерге бағдарламалық жасақталған, қолмен басқаруға мүмкіндік беретін басқару шкафы; жартылай автоматтандырылған Пюрпак буып-түю жабдығы; вакуумды қаптағыш; ашыту жабдығы; ГЛВ-3000 мұздатылған су генераторы; компрессор; тоңазыту агрегаты; үстел; үш ұялы жуу жабдығы; су ысытқыш; душ кабинасы; май шайқау жабдығы; диспергатор; фризер; ірімшік балқыту жабдығы; ірімшікке арналған пресс; тұздау бассейні; ірімшікті жетілдіруге арналған камера; 6кг-ға дейінгі таразысы бар стол; шынықтыру және мұздату камерасы; ірімшік кептіруге арналған сөре; ашытқыларға арналған тоңазытқыш; термосттаты камера сияқты жабдықтармен қамтамасыз етілген[1].
