Регламенттелген шектердің жоғарлауы немесе төмендеуі сапаның нашарлауына әкеп соқтыратын жағдайда диапазонды шекті мәндер пайдалынады.
Көрсеткіштің қатысты мәндері деген белгілі бір көрсеткіштің базалық не регламенттелген мәніне нақты мәнінің қатысын анықтайтын мәндер.
Тауар сапасының көрсеткіші деген белгілі бір көрсеткіштердің нақты мәнін базалық мәнімен салыстыру арқылы анықталатын қатысты сипаттама.
Сапаның техникалық деңгейі деген тауардың техникалық жетістіктің қатысты салыстырмалы сипаттамасы. Ол техникалық жетістігін сипаттайтын нақты мәндерді бұл саладағы ҒТ-ның жетістігін сипаттайтын базалық көрсеткіштермен салыстыруға негізделген. Сапаның техникалық деңгеәі әдетте күрделі техникалық тауарларды сипаттау үшін қолданылады.
Көрсеткіштер мен тұтыну қасиеттерінің номенклатурасы деген нақты не мүмкін қажеттіліктерін қанағаттандыру дәрежесін негіздейтін көрсеткіштер мен қасиеттер жиынтығы.
Номенклатура шеңберінде тұтынушылық қасиеттері мен көрсеткіштері топтарға бөлінеді:
Мақсаттылық деген физиологиялық және әлеуметтік қажеттіліктерді қанағаттандыра алатын тауаралардың қабілеті. Мақсаттылықтың түрлері: функционалдық, әлеуметтік, жіктемелік және әмбебап.
Сенімділік деген белгіленген мерзім аралығында сақтау немесе тұтыну процесінде функционалды мақсатталығын сақтай алатын тауардың қабілеті.
Эргономикалық қасиеттер деген қанағаттанарлық сезімдерін қанағаттандыра алатын тауардың қабілеті.
Эстетикалық қасиеттер деген адамның эстетикалық қажеттіліктерін қанағаттандыра алатын тауардың қабілеті.
Экологиялық қасиеттер деген тауарды пайдалану және тұтыну кезінде қоршаған ортаға теріс әсер етпеуі қабілеті.
Қауіпсіздік деген залал келтіру тәукелі белгіленген деңгейде шектелген жағдай.
