Байланысты: Курстық жұмысты жазуға арналған Әдістемелік нұсқау
1.Курстық жұмыстар туралы жалпы ережелер Курстық жұмыс мамандықтардың типтік оқу жоспары мен оқу жоспарына сәйкес,оқытушының бақылауымен орындалады; Курстық жұмыстардың тақырыптары кафедра мәжілісінде талқыланып, университеттің оқу-әдістемелік кеңесінде бекітіледі, әр оқу жылында қайта жаңаланады, толықтырылады; Кафедрада курстық жұмысты орындауға арналған әдістемелік нұсқау дайындалады. Әдістемелік нұсқауда курстық жұмыстың құрылымы, орындау тәртібі, курстық жұмыстың тақырыптары мен әдебиеттер тізімі беріледі; Кафедрада курстық жұмыстың дипломдық жұмысқа жалғасуы қалыптастырылады; Курстық жұмыстың жетекшілерін (пән лекторларын) кафедра меңгерушісі бекітеді; Курстық жұмыс университетте немесе басқа мекемелер мен өндіріс орындарында да орындалуы мүмкін; Студенттер курс жұмысын оқытушының бақылауымен орындайды, орындалған курс жұмысы оқытушыға тексеруге тапсырылып, дұрыс орындалған жұмыс қорғауға жіберіледі; Курс жұмысы студентке қайтарылып берілмейді, кафедраға тапсырылып, ол оқу-әдістемелік басқармаға өткізіледі; Курстық жұмыстар оқу жылының соңына дейін оқу-әдістемелік басқармада сақталады.
