Бірінші сынып оқушыларын мектепте оқуға бейімдеу процесінде отбасының рөлі Жоспар
Педагог пен ата-аналар ынтымақтастығының тиімді жолдары
жүктеу/скачать 0,93 Mb.
|
адаптация 7лекция
| Педагог пен ата-аналар ынтымақтастығының тиімді жолдары. Психологиялық-педагогикалық диагностика. Отбасын зерттеу педагогқа баламен жақынырақ танысу, отбасының өмір сүру стилін, тәртібін, қарымқатынасын, олардың рухани құндылықтарын түсінуге мүмкіндік береді. Бұл ретте педагог психологиялық-педагогикалық диагностиканың дәстүрлі әдістер кешені қолданылады (сауалнама, сұрау, тест т.б.). Отбасының психологиялық-педагогикалық ағартуы - ата-аналардың негізгі құзыреттілік деңгейін арттыруға бағытталған. Оның мәні - ата-ананы педагогикалық біліммен байыту (дәріс, практикум, семинар, кеңес т.б.), теориялық білім негіздері, педагогика және психология саласындағы жаңашыл идея, балалармен жұмыс істеу тәжірибесімен таныстыруды көздейді. Ата-аналарды оқу-тәрбие үдерісіне тарту.
Ата-аналарды оқу-тәрбие процесінде мына қызмет түрлеріне тартуға болады: балалар мен атааналардың шығармашылық күндері; ашық сабақтар мен сыныптан тыс ісшаралар; сыныптан тыс жұмыстарды ұйымдастыру; мектеп пен сыныптың материалдық-техникалық базасын нығайтуға көмектесу. Ата-аналарды мектеп басқаруына тарту. Ата-аналардың оқу-тәрбие үрдісін басқаруға қатысуын келесі қызмет түрлері арқылы ұйымдастыруға болады: сынып ата-аналарының мектеп кеңесінің жұмысына қатысуы; ата-аналардың ата-аналар комитетінің жұмысына қатысуы (4.1-кесте) [3]. Бұл формаларды жүзеге асыру жолдары: - ата-аналар активі (сынып, мектеп); - қызығушылықтарына қарай бірлестіктер, үйірмелер, секциялар; - мектепте не сыныпта қандай да бір мәселелерді шешетін ата-аналар; - балаларды тәрбиелеуде мәселелері бар ата-аналар; - қыздарды тәрбиелейтін ата-аналар (ұлдар); - бір баланы тәрбиелеп отырған ата-аналар (көп бала); - дамуында және мінез-құлқында ауытқулары бар ата-аналар. Ата - анамен жеке жұмыстың қосалқы түрлері: 1. Ерекше назар аударуды қажет ететін ата-анамен жұмыс (балалардың оқу үлгерімі, тәртібі, мінез - құлқы, икемділік қабілеті). 2. Ата - аналардың жақсы істерін насихаттау, мадақтау. 3. Кеңес қажет ететін ата – аналарға кеңес беру, ескерту. Сынып жетекші мен ата-ана ынтымақтастығының қосымша түрі: 1.Оқушыларды секция, үйірме жұмыстарына қатыстыру. 2. Сәтсіз отбасылар мен жасөспірімдерді қамқорлыққа алу. 3.Материалды - техникалық базаны нығайтуға көмек көрсету. 4. Ата - ана комитеті мүшелерімен байланысты нығайту. Сыныптан тыс уақыттарда мектепішілік жүргізілетін жұмыстар: 1.«Қызықты адамдармен кездесу клубы»: негізгі идея – жеке және кәсіби табысқа жеткен адамгершілік ізденістер арқылы белгілі адамдардың өмірлік тәжірибесін тану және ұғыну; 2.«Екі жұлдыз» ән байқауы: идеясы-бірлескен ән шығармашылығы арқылы таланттарды анықтау, көрермендерге тарту, өзін-өзі жетілдіру, педагогикалық және оқушылар ұжымдарын біріктіру. 3.«Мейірімділік диалогы». Мақсаты - қызықты адамдармен кездесу, оларды өз адамгершілік - рухани құндылықтарымен бөлістіру. Ата-аналар мен баланың бірлескен қызметі, жалпы қызығушылығы, істерге қатысу шынайы рухани жақындыққа әкеледі. Шешімдерді, үй және отбасылық мәселелерді бірлесіп іздеу, шығармашылық тапсырмаларды шешу және орындау, отбасылық салт-дәстүрлерді құру, бірлесіп серуендеу, отбасылық мерекелер ата-аналарға өздерінің құндылықтар мен адамгершілік сенімдер жүйесін беруге көмектеседі. Қазіргі таңда мектептерде жас ата-аналар отбасылары көп. Сондықтан мектептің әр буындарына бастауыш, орта және жоғарғы сыныптардағы жас ата-аналар отбасына арналған клубтардың жұмысын ұйымдастыру өте маңызды. «Жас ата-аналар отбасы» клубы сабақтарын әр түрлі формада өткізуге болады. Бұл конференция, дебаттар, кездесулер, кештер, ата-аналар семинарлары, рөлдік ойындар, диалог алаңы және т.б. болуы мүмкін. Бірлескен іс-әрекет барысында ата-аналар өз баласына өзін ересек, өз бетінше сезінуге көмектеседі. «Жас ата-аналар отбасы» клубында жоспар бойынша 10 отырыс өткізуге болады (4.2-кесте) Әрбір ата-ана - тәрбиеші. Тәрбиенің мақсаты мен мазмұнына қоғамдық мән бере білетін ата - аналар тәрбиеші ғана емес, ұстаз да бола білетін жандар. Әр адам күнделікті тұрмыс - тіршілігінен, өзін қоршаған табиғаттан адамгершілікті бойына сіңіреді. Рухани-адамгершілік тәрбиесінде алдымен баланы тек жақсылық, қайырымдылық, мейірімділік, ізгілікке тәрбиелеп, соны мақсат тұтса, ұстаздың, ата-ананың да болашағы зор болмақ. Ата-анамен жұмыс педагогтан көп күш-жігер мен өнертапқыштықты талап етеді. Ата-анамен жұмыс нәтижесінде ата-аналардың мектеп ісіне жоғары қатысуы оқушылардың жетістіктерін арттыруға, олардың оқуға деген ынтасын және ата-аналарының да оқудағы табандылығын арттыруға, балалардың мінезқұлқын жақсартуға, олардың өзін-өзі бағалауының оң дамуына, үй тапсырмаларын сәтті орындауға, мектептегі психологиялық климатты жақсарту, ата-аналардың мұғалімдерге оң пікіріне негізделеді. Олай болса, отбасы, мектеп және балалар арасындағы қарым-қатынас өзара құрмет, ынтымақтастыққа, сүйіспеншілікке құрылуы тиіс. жүктеу/скачать 0,93 Mb. Достарыңызбен бөлісу:
|