Бірінші сынып оқушыларын мектепте оқуға бейімдеу процесінде отбасының рөлі Жоспар
жүктеу/скачать 0,93 Mb.
|
адаптация 7лекция
- Бұл бет үшін навигация:
- Бірінші қағидат
- Екінші қағидат
- Үшінші қағидат
|
№7 тақырып. Бірінші сынып оқушыларын мектепте оқуға бейімдеу процесінде отбасының рөлі Жоспар: Отбасы мен педагогтердің өзара әрекеттестігі Отбасының мектептен тыс мекемелермен байланысы Баланы мектепке дайындау 1. Отбасы мен педагогтердің өзара әрекеттестігі Мектеп пен отбасы бүгінгі күні баланы тәрбиелеу процесінде тиімділігі келісілген іс-қимылдарға байланысты негізделген әлеуметтік институттар. Ұлы Абай атамыз «Адамның адамшылығы – ақыл, ғылым, жақсы ата, жақсы ана, жақсы құрбы, жақсы ұстаздан болады» деп көрегендікпен ой түйген. Бала өміріне қажетті тәлім-тәрбиенің іргетасы ата-ана арқылы отбасында қаланып, мектептегі тәрбиемен жалғасады. Әбу Насыр ӘлФараби, Жүсіп Баласағұни, Абай Құнанбаев сияқты ойшылдар, Ш.А.Амонашвили, В.А.Караковский, А.В.Мудрик және т.б. педагогтар бала бойында рухани-адамгершілік қасиеттерді тәрбиелеудің маңызын көрсетіп, отбасы мен мектептің өзара әрекеттесу мәселесіне арналған жұмыстарды талдау барысында ата-аналар ынтымақтастығын жүзеге асырудағы қарымқатынасты қалыптастыру үдерісіндегі басты қағидаттарды бөлді [24]. Бірінші қағидат – ата-аналардың эмоциялық қауіпсіздігін қамтамасыз етуде ата-аналар мен мектептің өзара іс-қимылының ерекшеліктері, ата-аналардың балаларының қауіптілігі, алаңдаушылығы және кінә сезімімен байланыстылығы. Ата-аналар үшін білім беру ортасы жайлы, оларға зиян келтіре алмайтынын түсіну маңызды. Іске асыру жолдары: тыныш, мейірімді диалогтық атмосфера құру; педагог пен ата-аналар арасындағы қарымқатынастағы өзара сенім; пікір алмасу, ауысу, қадам басу мүмкіндігі; бала тәрбиесінде ата-ананың жеке мәселелері, қиындықтарын ескеру; ата-аналар тарапынан өтініштер мен ұсыныстарға назар аудару; психологиялық қолдау. Екінші қағидат – әлеуметтік әріптестік: ата-аналар мен педагогтердің іс-қимылдарының үйлесімділігін қамтамасыз ететін баланың жалпы тәрбие алаңын қалыптастыру; отбасы мен педагогтердің бала тәрбиесі туралы өзара келісімі; оқушылармен, жекелеген оқушылардың отбасыларымен болып жатқан оқиғаларға эмоционалды жауап беру; балаға қойылатын талаптар мен стильдердің бірлігі; бала өміріндегі маңызды оқиғалар туралы хабарлау; отбасы тарапынан педагогтердің өтініштерін, ата-аналар мен педагогтердің атынан өтініштерін орындау, өзара қызмет көрсету; педагог, балалар мен атааналардың бірлескен қызметі. Үшінші қағидат – полилог. Отбасы мен мектептің өзара іс-қимылының бірі субъект-субъект, полилогиялық, серіктестік қарым-қатынас. Бұл қағидат өзара сенім мен құрметтеуді, қолдау мен көмекті, бір-біріне қатысты жауапкершілікті, ата-аналарды өз мүдделері, қажеттіліктері, өзінің ұстанымымен субъектілер ретінде қабылдауды көздейді. жүктеу/скачать 0,93 Mb. Достарыңызбен бөлісу:
|