Химиотерапевтикалық дәрілер адам ағзасындағы жұқпалы ауру қоздыр-ғыштарының тіршілігін жояды.
Микробқа қарсы дәрілердің табиғатына және мөлшеріне қарай қоздырғыш-тарға бактерицидті (микроорганизмдерді жояды: сіdо - өлтіру) немесе бактери-остатикалық (өсуін тоқтату) әсер көрсетуі мүмкін.
Антисептикалық және дезинфекциялық дәрілердің жіктелуі
1. Құрамында галогені бар антисептиктердің құрамында микроб жасуша-сының протоплазмасын денатурациялайтын және жоятын белсенді галогендер: хлор немесе йоды бар.
СhІоrаmіnum - хлорамин Б: бос хлорды бөлетін ұнтақ, 1,5 – 2% еріт. - жараны жууға, тампон, салфеткаларды ылғалдауға; 0,25 - 0,5% еріт,- қолды өңдеуде және бейметалл құралдарды зарарсыздандыру үшін (металл құралдарын өңдеуге болмайды - хлор металлды тотықтырады); 1-5% еріт. - науқасты күтуге арналған заттар мен қолданған заттарын зарарсыздандыру үшін қолданылады.
СhІогhехіdini bigluconas - хлоргексидин биглюконаты (абацил, гиби-скраб, манусан) - 20% 500 мл еріт. флаконда; 0,5% - сулы спиртті еріт. - операциялық алаңды өңдеу үшін; 0,5% сулы еріт. - жара мен күйіктерді өңдеу үшін; 0,5% спиртті немесе 1% сулы еріт. - қолды зарарсыздандыру үшін, құрал жабдықтарды залалсыздандыру үшін, 0,1% сулы еріт. - жалпы зарарсыздандыру үшін; 0,02 - 0,05% еріт. - қуық жолдарын жууға, венерологиялық ауруларды алдын алу үшін қолданылады. Хлоргексидин микробқа қарсы және фунгицидті (саңырауқұлақтарға қарсы) әсер көрсетеді. Қолдың терісінің құрғауын, қышыма және дерматит тудырады. Хлорқұрамды заттар жағымсыз иісті жоятын әсері бар.
Достарыңызбен бөлісу: |
