1. Химиялық зертханаларда жұмыс істеу ережелері
Химиялық зертханалардағы жұмыстар әртүрлі қауіпті және зиянды өндірістік факторлармен байланысты болғандықтан, химиктердің қауіпсіз еңбектерін ұйымдастыруға ерекше көңіл бөлінуі қажет.
Қауіпсіз жұмыс жасау негізі - зертханадағы әрбір қызметкердің қауіпсіздік теникасы ережелерін есте сақтауы болып табылады. Тәжірибелі қызметкерлер қауіпсіздік техникасы талаптарына немқұрайлықпен қарауға жол бермейтін психологиялық атмосфера жасауды өздерінің тікелей міндетттері деп санаулары тиіс.
Қауіпсіздік талаптарынан ауытқу ешқандай да ерекше жағдайлармен ақталмауы керек. Бұл талаптартарды апат болмайтынына көзің жетіп тұрғанның өзінде де бұзуға болмайды, өйткені бұрыс ілім қалыптасып, кейінгі қауіпті жағдайларда әдетті түрде қолданылып кету қаупін тудырады.
Әрине, әрбір нұсқаулардың бұзылуы қайғылы жағдайларға алып келе бермейді. Сонда да ұсақ қателіктер әдетке айналып, соның салдарынан үлкен қателіктер туындайды.. Нәтижесінде зертханада объективті түрде өндірістік жарақаттану себептері өсуі мүмкін.
Сондықтан толық жазылған нұсқаулардың өзінде де қандай да бір нақтылы тосын жағдай тууы ықтимал болғандықтан, қауіпсіздік техникасы ережелерін тек біліп қана қоймай, оның мәнін түсіне білу, оны тосын жағдайда пайдалана алу және кез келген істің салдарын бағалай білу қажет. Жарақатсыз және апатсыз жұмыс істеу - кез келген қызметкердің жетікті маман екендігін анықтаудағы негізгі қағида.
ЖАЛПЫ ЖАҒДАЙЛАР
Зертхана жұмысына медициналық тексеруден және қауіпсіздік техникасының нұсқауынан өткен тұлғалар жіберіледі. Жұмысқа тұратын барлық тұлғалар біліміне, жұмыс стажына немесе лауазымына қарамастан, сонымен қатар өндірістік үйрену немесе машықтану үшін командировкаға келгендер де, жаппай нұсқаудан өтуге міндетті.
Химиялық зертханадағы кез-келген жұмыс нақтылы, ұқыпты және асығыссыз істелуі қажет.
Достарыңызбен бөлісу: |
