ІІ тонның бөлінуі. Кіші қан айналысы шеңберінде қан қысымы көтерілгенде, өкпе артериясы және аорта қақпақтарының кездейсоқ жабылуынан ІІ тонның бөлінуі дамиды. Митралды стенозда, дені сау адам терең демді алғанда және демді шығарғанда естіледі.
Үш мүшелі ырғақ немесе шоқырақ ырғағы.
Шоқырақ ырғағы - үш мүшелі ырғақ. Жүректі тыңдағанда І тон бөлінген сияқты болады. Бұл миокард инфарктісінде, сол қарыншаның аневризмасында, атеросклероздық кардиосклерозда, созылмалы нефритте, артериалды гипертензияда кездеседі. Үш мүшелі ырғақтың дыбысы ат шоқырағының дыбысына ұқсас болғандықтан, оны шоқырақ ырғағы деп атайды. Шоқырақ ырғағы жүрек ұшында және ІІІ-ІV қабырға аралықта науқас сол қырында жатқанда жақсы естіледі, ешқайда таралмайды.
Достарыңызбен бөлісу: |
