Екі апалы – сіңлілердің жастарын қосса, 36 жас шығады. Егер біреуінің жасының ½-і екіншісінің жасының ¼-іне тең болса, әр қайсысы неше жаста?
( 12 жаста, 24 жаста )
Сыныпта 28 бала бар. Олардың 15-і ән айтуды, ал 12-сі би билеуді үйренетін үйірмеге барады және 5-еуі екі үйірмеге де қатысады. Осы сыныптағы неше оқушы ешқандай үйірмеге қатыспайды?
( Ж: 15+12=27 27-5=22 28-22= 6 бала ештеңеге қатыспайды)
Пойыз вагонның терезесінен қарап отырған жолаушы телеграф бағандарын санай бастады. Ол 10 баған санады. Егер бағандардың бір – бірінен арақашықтығы 50 м болса, осы уақыт ішінде пойыз қандай қашықтықты жүріп өтті?
Төртінші разрядтың төрт бірлігінен құралатын сан, бірінші разрядтың төрт бірлігінен құралатын саннан неше есе артық? ( 4000: 4 = 1000 есе )
Хоккей командасы үш кездесу өткізгенде қарсыласының қақпасына 3 шайба енгізді және өз қақпасына 1 шайба жіберіп алды. Кездесудің біреуінде ол ұтты, екіншісінде тең ойнады, ал үшіншісінде ұтылды. Әр кездесу қандай есеппен аяқталды?
