Сыртқы түрі мен дене пішіні. Сүйекті балықтардың денесі –бас, тұлға және құйрық деп үш бөлімге бөлінеді. Дене пішіні көбіне ұршық тәрізді.Тері жабыны – шеміршекті балықтарға ұқсас. Сыртқы – эпидермис, ішкі – кутис қабаттарынан тұрады.
Қаңқасы– сүйектенген. Білікті қаңқасында (әсіресе бассүйекте) сүйекті элементтер басым.Висцеральды бөлімі –күрделенген. Сүйекті желбезек қақпағы пайда болған.
Бұлшықеттері шеміршекті балықтарға ұқсас метамерлі орналасқан.
Асқорыту жүйесі.Ауыз қуысы тікелей жұтқьншақпен, ол қысқа өңешпен байланысқан. Қарнының пішіні де әр түрлі. Ішектері біршама ұзын және жуындығы да бірдей. Аш ішек пен тоқ ішектің шекарасында көптеген тұйық – пилорикалық өскіндер орналасқан. Олар ішектің сініру бетін ұлғайтады. Бауыры бірнеше қалақты, өт қабы, өт өзегі бар. Ұйқы безі шашыраңқы.
Тынысалу жүйесі. Желбезек аппараты: сүйекті желбезек доғасы (4 жұп), желбезек шашақтарынан тұрады. Тынысалуы ауыз - жұтқыншақ қуысы мен желбезек қақпақтарының қозғалуы арқылы жүзеге асады.
