Керекті құралдар мен реактивтер: сынауықтар, мыс (ІІ) сульфаты ерітіндісі, глицерин, 2% және 30% натрий гидроксиді ерітіндісі, Бунзен құтысы, Бюхнер сүзгіші, 1 М НСІ ерітіндісі, 25% аммиак ерітіндісі.
а) Мыс (ІІ) гидроксиді сусызданып кетпеуі үшін мыс сульфаты ертіндісіне 0,5 мл глицерин қосыңдар да, ерітіндіні араластыра отырып, мыс (ІІ) гидроксиді толық тұнбаға түскенше 2% натрий гидроксидін құйыңдар. Тұнбаны 1 мл глицерин және 1 мл суық судан тұратын қоспамен декантация әдісімен сульфат иондары толық жойылып кеткенше шайыңдар да, Бюхнер сүзгісінде сүзіп, тағы да сумен жуыңдар.
б) Алынған мыс (ІІ) гидроксидін бірнеше сынауыққа бөліп, оның 1 М хлорсутек қышқылына, 30% натрий гидроксидіне және 25% аммиактың артық мөлшеріне әсерін зерттеңдер. Бір сынауықтағы мыс (ІІ) гидроксидін қыздырып көріңдер. Байқалған құбылыстарды түсіндіріңдер. Реакция теңдеуін жазыңдар. Мыс (ІІ) гидроксиді қандай қасиет көрсетеді? Аммиак ерітіндісінде мыс қандай ион түрінде болады?
№ 120 жұмыс. Мыс (ІІ) аммиакты кешенді тұзын алу
Достарыңызбен бөлісу: |
