Сабақтың мақсаты: Көктамырдан қан алу,көктамыр ішілік тамшылы жүйені жинау,тамыр ішіне тамшылап құюдың техникаларымен таныстыру

1. Көк тамырдан анализге қан алу;

2.Тамшылап дәрі жіберу үшін система жиыстыру;

3.Көк тамырға тамшылап дәрі жіберу;

4.Пациенттің жағдайын бағалау;

5.Пациентті және керекті құралдарды пункцияға дайындау;

6.Пункциядан кейін пациенттің жағдайын бақылау;

7.Инъекциядан кейінгі асқынулар,себептері,белгілері , емдеу және алдын-алу.

Көк тамырға егудің алдында дәрілерді еріту керек. Оның концентрациясын азайту үшін және 1 минутта 1 мл-ден ақырын енгізу. Дәрі қанға тез түсіп, ағзаға тез әсерін тигізеді. Тамырға дәріні ерітпей енгізуден өмірге қауіпті асқынулар болуы мүмкін: жүректің, тыныс алудың тоқталуы, анафилактикалық шок. Соңғы асқыну-дәрілерді ағзаға енгізуден пайда болған қауіпті аллергиялық реакциясы болып табылады. Еріту үшін 20-40% глюкоза ерітіндісін қолданады. Алдымен шприцке дәріні, сосын еріткішті сорып алу, дәріні жақсы еріту үшін: осы ережені сақтау өте қажет.

Осылай жүрек гликозидтерін: строфантин, коргликон енгізеді.

Көк тамыр ішіне 10% кальций хлоридін өте тиянақты енгізу керек.

Оны алдымен физ.ерітіндімен 1:1 ерітіп, қатаң түрде көк тамырдың ішіне енгізеді. Енгізер кезінде ине тамырдан шығып кетпеуін қадағалайды (ол үшін поршеньді өзіне қарай тартады). 10% кальций хлориді тері астына түскенде некрозға дейінгі ұлпалар қатты тітіркенеді.

Егер осы дәрі қателесіп тері астына енгізілгенде, енгізуді тоқтатып, егу жасаған жері мен жан-жағына 0,25% немесе 0,5% новокаин ерітіндісін енгізу керек.

Осы жағдайда 3 мақсатқа жетуге тырысамыз:

1. 
   Тері астына түскен дәрінің концентрациясын азайту.
   
2. 
   Ауырсынуды басу.
   
3. 
   Қабыну болмас үшін новокаин ерітіндісін қолданады. Егер емделушіге новокаин ерітіндісі де тітіркендіру әсерін тигізе, онда дәрінің концентрациясын азайту үшін 0,9% натрий хлорид 50-80 ерітіндісін егу жасаған жеріне және жан-жағына енгізеді.