Әлеуметтік сұраныс адамның психологиялық ерекшелігіне тікелей тәуелді. Әлеуметтік сұраныс – төмендегі жағдайларға байланысты орын алады:
1) Көпшілікке еру әсері. Тұтынушы басқа тұтынушылардан қалмас үшін солардың
алған өнімдерін тұтынып, пайдаланған қызметтерін пайдаланады. Яғни тұтынушының белгілі бір игілікке деген сұранысын қалыптастырып отырған фактор – бұл басқа тұтынушының сұранысы. Мысалы, сәнді үлгідегі киімдер, автомобильге, демалыс орындарына т.б. деген сұраныс.
2) Көпшіліктен ерекшелену әсері немесе Сноб әсері. «Сноб» сөзіне белгілі орыс филологы С.И.Ожеговтің «Орыс тілінің түсіндірме сөздігінде» мынадай анықтама берілген: «Сноб - өзін жоғары зияткерлік (интеллектуалдылық) пен жоғары талғамның иесі деп санайтын адам».
Сонымен, сноб әсері – бұл тұтынушының басқа тұтынушылардан ерекшелену мақсатында олардың алған игіліктерін алмай, басқа игіліктерді тұтынуы. Бұл жерде де тұтынушы сұранысына басқа тұтынушының сұранысы әсер етіп отыр. Бірақ бұл әсер кері бағытта. Мысалы, тұтынушы көпшіліктің киіп жүрген киімдеріне ұқсас емес, басқа ерекше сән үлгісіндегі киімді алады.
Достарыңызбен бөлісу: |
