Остеоартроз –қол–аяқ, омыртқа бағанасы буындарының дегенерациялы – дистрофиялық ауруы. Бұл ауруда буындардың шеміршегі ыдырап жойылады, осыдан сүйектердің беттері жалаңаштанады, шеттік остеофиттер және екіншілік синовит дамиды. Негізінде, буын шеміршегінің дегенерациясы организмнің табиғи қартаюынан дамитын физиологиялық процестің бірі. Остеоартроз жасы 60-тан асқан адамдардың барлығында болады.
Этиологиясы:
Біріншілік түрі – бұрын зақымданбаған сау буын шеміршектерінің уақытынан ерте тозуы. Екіншілік түрі – бұрын болған зақымдардың салдарынан буын шеміршегінің жүре бара дамитын дегенерациялық бұзылысы.
Ішкі факторлар:дене бітімінің немесе қимыл-тірек жүйесінің кемістігінен буын беттерінің үйлесімділігінің жойылуы (қазтабан, қенұ варұм, қенұ валгұм,омыртқа бағанасының сколиозы, буын осінің ауытқуы, жалғамалардың осалдығы, сіңірдің созылуы т. б.) ; буынға салмақ түсіретін семіздік; эндокриндік бұзылыстар (қантты диабет, акромегалия, гипотиреоз, климакс); метаболизмдік бұзылыстар; буын шеміршегінің гендер кемістігінен осалдығы;
Сыртқы факторлар: жарақаттар, микрожарақаттар; түрлі заттармен улану; физикалық ықпалдар (суықтану, ылғалдылық, сәулелену, вибрация);
Достарыңызбен бөлісу: |
