«Эссе жазу әдістемесі» 9-сыныпқа арналған таңдау курсының бағдарламасы
жүктеу/скачать 1,26 Mb. Pdf көрінісі
|
Эссе жазу әдістемесі
- Бұл бет үшін навигация:
- «Эссе жазу әдістемесі» 9-сыныпқа арналған таңдау курсының бағдарламасы 58 А мәтіні: газет мақаласынан үзінді Бейбітшілік орнатудың қадамдары
|
26-тапсырма Екі мәтіндегі ақпарат пен өз пікірлеріңізді пайдаланып, «Бейбітшілік- жаһандық даму кепілі» деген тақырыпта эссе жазыңыз. Эсседегі сөз көлемі 170-200 сөз болуы қажет. [20] «Эссе жазу әдістемесі» 9-сыныпқа арналған таңдау курсының бағдарламасы 58 А мәтіні: газет мақаласынан үзінді Бейбітшілік орнатудың қадамдары Адамзат өмір бойы үнемі тыныштықта, мəңгілік бейбіт өмір сүруді армандайды.Бірақ нақты өмірде оған ешқашан толық қол жеткізген емес. Өткен тарихқа көз салсақ, адамзат қоғамы соғыстардан көз ашпады. Зерттеушілердің деректеріне қарағанда соңғы 5,5 мың жылда жер бетінде небары 292 жыл ғана бейбітшілік «билік» етіп тұрыпты. Қалған уақыттың бəрінде «Тыныштық керек болса-соғысқа дайындал» деген қағидамен өмір сүріппіз. Осы аралықта жер бетінде 15 мыңнан астам қантөгіс шайқастар өтіпті. Батыстың бір ғалымының есептеуіне қарағанда өткен ХХ ғасырдың соңғы 45 жылында əлемде бар-жоғы 12 ғана «бейбіт» күн болыпты. Кейінгі 40 жылдың ішінде ғана дүниежүзінде 250 соғыс болып, 354 млн. адам қаза тауыпты. Сөйтіп, бейбітшілікті сақтау, соғысты болдырмау, бейбітшілік үшін күресу- ХХІ ғасырдың да өзекті мəселелерінің бірі болып, мұраға қалдырылды. Халықаралық қоғамдастық бейбітшілікті сондықтан жалпы адамзаттық құндылықтар қатарына қосып отыр. Тəуелсіздікке қол жеткен тұста, елбасымыздың елдің бетке ұстар азаматтарының қажырлы, табанды еңбегінің арқасында біз осы асыл қасиетімізді тағы да дəлелдеп, оны əлемге паш ете білдік. 1992 ж 23 мамырда ядролық қаруды таратпау жəне ядролық ракеталарды біртіндеп бұзып Ресейге көшіру, олардың оқшантайларына салынған уранның құнын Қазақстанға ақшалай қайтару жөнінде Лиссабон хаттамасына Қазақстан қол қояды.1994 ж Қазақстан ТМД мемлекеттерінің арасында бірінші болып ядролық қаруды таратпау жөніндегі Шартқа қосылды.1996 ж Қазақстан ядролық сынақтарға толық тыйым салу жөнінде шартқа қосылады.1997 ж БҰҰ- ның Бас Ассамблеясы Қазақстанның ядролық сынақтардан зардап шеккен өңірлерге көмек көрсету жөнінде шара қабылдады.2000 ж Семей полигонында ядролық сынақ жүргізілетін ең соңғы шара жойылды. Түйіндеп айтқанда, Қазақстан дүниежүзі мемлекеттерінің ішінде бірінші болып өз еркімен қуаттылығы жағынан əлемдегі төртінші ядролық қарудың арсеналынан бас тартып жəне əлемдегі ең ірі сынақ полигонын жауып, халықаралық қауіпсіздікті нығайтуда теңдесі жоқ үлесін қосты. (258 сөз) жүктеу/скачать 1,26 Mb. Достарыңызбен бөлісу:
|