Эвалюация – білім беруді ұйымдастырумен, оқу, тәрбиелеу және даму үдерістерімен байланысты жағдайларды, құбылыстарды және іс-әрекеттерді жүйелі зерттеу және бағалау.
Эвалюацияға тән ерекшеліктер:
Бақылаушы және қадағалаушы сипаты жоқ.
Жетілдіруге бағдарлау, диалог түрінде өтуі, жазаның қолданылмауы.
Мұғалімді «тексеруге» емес, оған қолдау көрсетіп, дамуына көмектесуге бағытталған.
Эвалюацияға тән ерекшеліктер:
Ақпаратты жүйелі түрде ашық жинақтау және талдау негізінде, белгіленген мақсаттармен, критерийлермен және құндылықтармен жүйелі түрде салыстыру негізінде ұйымның жұмысының тиімділігін анықтау және жетілдіру мақсатында ұйым ішінде, сондай-ақ сыртқы сарапшыларды тарту арқылы өткізіледі.
Эвалюация түрлері
Сыртқы эвалюация – басшылық ету сапасын, сондай-ақ зерттелетін объектінің оқыту мен тәрбиелеудің жоғарғы стандарттарына сәйкестік дәрежесін жүйелі түрде зерттеу және бағалау.
Сыртқы эвалюацияны сырттан келген тұлға, ұйым немесе орган жүзеге асырады, сонымен қатар ол ішкі факторларды талдауға да бағытталуы мүмкін (мысалы, мектептің оқу бағдарламасы, қолданылатын оқыту әдістері, ішкі эвалюация нәтижелері).
Эвалюация түрлері
Ішкі эвалюация – мектеп директоры педагогикалық ұжыммен ынтымақтастықта жүргізетін және мұғалімнің тәжірибелік қызметін қолдауға және кәсіби дамытуға бағытталған мониторинг негізінде басшылық ету сапасын жүйелі түрде зерттеу және бағалау.
Ішкі эвалюацияны білім беру ұйымының қызметкерлері жүзеге асырады және оған сыртқы эвалюация белгілері тән болуы мүмкін: білім беру ұйымы өз бастамасы бойынша белгілі критерийлер бойынша сабақты қадағалау үшін мектептің «сыншы досын» (педагог-ғалым немесе басқа мектептің мұғалімі) шақыруы мүмкін.
ПЕДАГОГТЕРДІҢ КӘСІБИ ҚЫЗМЕТІН ЭВАЛЮАЦИЯЛАУҒА АРНАЛҒАН ДИАГНОСТИКАЛЫҚ КАРТА (мектептегі қызметі барысында)
