Фарабиге арнау.
(Әні бар) 1
Оңтүстіктің арайланған ақ таңы,
Бұлбұл үні естіледі бақтағы.
Мәдениеттің өркендеген өр шыңын,
Емес бекер Отырардан тапқаны.
Отырарда ғасыр үні тұншыққан,
Қатты тағдыр көзден жасты ыршытқан .
Фарабиім жол іздеді қаншама,
Өлімдерден , жойқын қырғын , қырсықтан .
Фарабиім әрбір сәтте естесің ,
Халқың сенің қара түнек кешпесін .
Ғасырларға бақыт нұрын себетін ,
Әсем үнің бар мағынаң өшпесін !
Әр заманда әр мағына әр ұғым ,
Фарабиім сырын ұққан жарлының .
Ұлы жерде ұлы достық үйлессе ,
Фарабидің туысысың барлығың !
Жалған өмір кімдер сенен өтпеген ,
Уа қара жер кімдер саған жетпеген .
Фарабиім шарықтасын күлімдеп ,
Ұрпғына қарамасын өкпемен !
О туған жер қандай ыстық кең едің ,
Шалқып әндер жайқалады көп егін .
Ұлы жерде ұлы достық үйлессе ,
Фарабидің ақ арманы дер едім !
Қандай ғылым болса да, ол — адам санасына дербес, ерекше мәндерді ұғыну арқылы ұялайды.
Білім жолына түскен жан күнделікті күйбең, тіршілікті ойламауы қажет.
Бақыттың мәні — парасаттылықта, әркімнің өз алдында игілікті мақсат қоя білуінде... адамның өз мінез-құлқын , іс-әрекетін ерікті түрде өзгертіп, игілікке бағаттап отыруында.
Бақыт — өз басың үшін көксейтін игілік... Бақытқа жеткізетін әрекет — тамаша әрекет.
Бақыт, қуаныш пен ләззат асқан сұлу, ең әсем, ең көрікті нәрсені барынша тиянақты және кемелді нәрсе түрінде аңғару арқылы ғана пайда болып, толық дәрежесіне жетеді.
Мінез-құлық міні — рухани кеселге жатады.
Даналар талай нысан тапқанымен,
Тапқан жоқ тетіктің тегін әлі бірі.
Адамға тән бір жақсы қасиет – өзін қоршаған әлемнің әсемдік сырларына үңілу, содан рухани нәр алу, өзінің нәзік сезімін образдар арқылы паш ете алу.
Өз ісіңнің білгірі һәм шебері атану үшін жақсы жұмыс істеп, жетік білуге ұмтылу керек. Қандай әрекет жасап, қандай іс істер болсаңыз да – игілігін көріп, рахатына бөленуді мақсат тұтқан жөн.
Ғылыммен айналыссам деген адамның ақыл-ойы – айқын, ерік-жігері – зор, тілек-мақсаты – ақиқат пен адалдыққа қызмет етуге талап жолында болуы шарт. Жәй ләззат іздеу, кәсіпқұмарлыққа ұқсас әрекет онда болмасқа керек.
Ғылым адам санасына болмысы бөлек, ерекше ұтырлы ұғымдарды орнықтыру арқылы ғана терең ұялайды.
Білім қуған жанның ойы күнделікті күйбіңнен көп алыста жатады.
Ақыл-парасат күші адамның ойлауына, пайымдауына, ғылым мен өнерді ұғынуына және жақсы қылық пен жаман қылықты айыруына көмектесетін күш.
Ұстаздық мінез-құлық нормасы мынадай болуға тиіс: ол тым қатал да болмауы керек, тым ырыққа да жығыла бермеуі керек. Өйткені, аса қаталдық – шәкіртті өзіне қарсы қояды, ал тым ырыққа көне беру – қадірін кетіреді, берген білімі мен ғылымына шәкірті селқос қарайтын болады.
Өнердің теориясын меңгеру дегеніміз – өнерге қатысты мәселелерді ақыл арқылы ұғыну және талғам қабілетін игеру.
Өзгенің пікірін иемденіп кету – надандық һәм ниеті арам адамға лайық іс.
Адамның тәндік жаратылысының дамуының негізгі көрсеткіш – денінің саулығы.
Адамның басына қонған бақыттың тұрақты болуы жақсы мінез-құлыққа байланысты. Мінез бен ақыл жарасса – адамгершілік ұтады.
Ғақлия көзбен қарасаң,
Дүние – ғажап, сен – есік.
Жаһлы көзбен қарасаң,
Дүние – қоқыс, сен – меншік.
Шын білім – ақиқат, анық білім.
Достарыңызбен бөлісу: |
