Филология факультетінің оқу-тәрбие және ғылыми зерттеу жұмыстарында инновациялық технологияларды қолдану туралы есеб І

Университетегі аталған үйірмелер студенттерді жан-жақтылыққа тәрбиелеп, өз мамандықтарын тереңірек меңгеруге жол ашады. Өйткені, жұмыс жасап жатқан кафедралардағы үйірмелердің негізгі бағыты мамандықты толығырақ игеруге және теория жүзінде алған білімдерін тәжірибеде қолдануға мүмкіндік беріп отыр. Университет бойынша құрылымдардағы үйірмелердің жұмыс бағыты, студенттер саны, жетекшілері мен жұмыс уақытын төмендегі кестеден көруге болады.

№3 кесте

Жоғарыда көрсетілген университет бойынша 82 үйірме 1272 студентті қамтып, олардың кәсіби шыңдалуына және қоғамдық жұмыспен айналысып, рухани-шығармашылық бағытта дамуына өз үлестерін қосып келеді. Бұл университеттің күндізгі бөлімінде оқитын студенттердің 39,34% болып табылады.

Үйірме жетекшілері әр студентке жекелеген тапсырмаларды беру арқылы олардың өз мамандықтарына тереңірек бойлап, жаңа ақпараттар мен материалдар табуына жағдай жасады. Есеп беру кезеңіне дейін үйірмелер тарапынан бірнеше дөңгелек үстелдер, кездесулер, пікір-таластар, әдеби-танымдық кештер және түрлі сайыстар өткізілді. Аталған үйірмелердің барлығының жұмысын осы ақпаратқа сыйғызып жазу мүмкін емес. Сондықтан да үйірмелер тарапынан атқарылып жатқан нақты жұмыстары мен жетістіктері жазылған институт директорлары мен факультет декандарының тәрбие ісі жөніндегі орынбасарларының ұсынған есептерін негізге ала отырып, төмендегідей сараптамалық қорытындыны ұсынамыз:
Қорытынды
Университет жанындағы үйірмелердің тәрбие беру үрдісіне қосып келе жатқан үлесін қанағаттанарлық деп бағалауға болады. Оған негіз үйірмелердің тек қана белгілі бір деңгейдегі іс-шараларды өткізіп қана қоймай, өз жұмыстарының нәтижесін жоғары деңгейде де көрсете білуі болып отыр.

Мысалы, 2006 жылы Мәдениет және өнер институтының студенттік деканатының бастамасымен «Мұрагер» студенттік драма театры үйірмесі ашылды. Студенттер алғашқы қойылымдарын 2006 жылдың сәуір айында сахналап, үйірме жұмысының нәтижесін көрсетті. Содан бері «Мұрагер» студенттік драма театры үйірмесі жемісті еңбек етіп келеді. 2010 жылдың 24-28 қазан күндері Алматы қаласы Т.Жүргенов атындағы Қазақ Ұлттық өнер академиясында өткен Асқар Тоқпанов атындағы Республикалық студенттік театрлар фестиваліне қатысқан «Мұрагер» студенттік драма театры «Ең үздік классикалық драматургияны игеру» арнайы номинациясын жеңіп алды. Сонымен қатар, Алматы қаласы, Алмалы ауданының арнайы жүлдесіне ие болды. Бұл үйірме еңбегінің нәтижесін көрсете білді. Алайда театр үйірмесі материалдық-техникалық базамен жеткілікті деңгейде жабдықталмаған. Сапалы қойылымдарды сахналау үшін болашақта «Мұрагер» студенттік драма театрына арнайы жабдықталған сахна керек. (жабын, жарық, реквезиттер т.б.)

Осы орайда біздің университетімізде студент жастарды шығармашылық қолдауға арналған арнайы «Студенттер сарайы» салынса деген тілегіміз бар.

Осы мысалдың негізінде университетте жұмыс істейтін барлық үйірмелер өз қызметтерін нақты жетістіктерге бағыттаулары тиіс деп есептейміз.

Үйірмелердің жұмыстарын ұйымдастыруда шешімін табуға тиісті бірнеше мәселелер бар.

Атап айтар болсақ:

1. 
   Кафедралардың және үйірме жетекшілерінің тарапынан үйірме жұмыстарының сапалылығы мен нәтижелілігін анықтайтын мониторинг жүргізілмейді.
   
2. 
   Үйірмелердің жасап жатқан жұмыстары ақпараттық насихатталмайды.
   
3. 
   Үйірмелер университет деңгейінде қорытынды есептік іс-шараларды өткізбейді.
   

• 
  кафедра меңгерушілері мен тәрбие ісі жөніндегі орынбасарлардың тарапынан оқу жылының бірінші жартыжылдығына және екінші жартыжылдығына арналып үйірме жұмыстарының сараптамалық есебі дайындалуы тиіс;
  
• 
  үйірмелердің жасап жатқан жұмыстарын ақпараттық қолдау мақсатында университеттің сайтына арнайы сілтеме жасап, кестеге сай үйірмелердің жаңалықтары мен қызмет нәтижелері орналастырылуы қажет. Сонымен қатар, оқу орнымыздың «Өркен» газетіне, қалалық және облыстық БАҚ-қа мақалалар жариялау керек;
  
• 
  әрбір үйірме университет деңгейінде оқу жылында екі рет есептік іс-шаралар өткізуі тиіс;
  
• 
  институт директорлары мен факультет декандарының тәрбие ісі жөніндегі орынбасарлары үйірмелер жұмысының сапалы, әрі жұмыс кестелеріне сай қызмет етуін бақылауға алуға міндетті.
  

Үйірмелердің сапалы жұмыстарды атқарып, жоғары жетістіктерге қол жеткізуі - жетекшінің еңбегіне тікелей байланысты. Осыған орай, үйірме жетекшілерін ынталандыру жұмысын да оң жолға қоюымыз қажет деп есептейміз. Ол үшін кафедра меңгерушілері, директорлар мен декандар мемлекеттік мейрамдарда, университетішілік мерекелік кештерде нәтижелі істер тындырған үйірме жетекшілерін марапаттауға ұсынуы керек. Сонымен қатар, үйірмеге жетекшілік еткен оқытушылар жыл соңында профессор-оқытушылар құрамының жұмысын бағалау рейтингінде де қосымша балға ие болды.

Осы сәтті пайдалана отырып, бүгінгі күнге дейін студенттермен қоғамдық негізде ақысыз еңбек етіп, университеттің тәрбие беру үрдісіне қосып келе жатқан үлестері үшін үйірме жетекшілері, әріптестерімізге алғыс айтқымыз келеді.

Құрметті ректорат мүшелері! М.Өтемісов атындағы Батыс Қазақстан мемлекеттік университетіндегі қоғамдық ұйымдар мен үйірмелердің тәрбие беру үрдісіне қосар үлесін әрі қарай болашақта жетілдіру үшін жеткен жетістіктер мен анықталған міндеттерді саралай келе төмендегідей ұсыныстарды жолдаймыз.

1. Үйірмелердің жұмыстарын ақпараттық қолдау мақсатында арнайы бекітілген кестеге сай университет сайтына, бұқаралық ақпарат құралдарына жаңалықтар жариялау.

Орындалу мерзімі: 1 ақпан, 2011 жыл.

Орындауға жауаптылар: Үйірме жетекшілері, институт директорлары мен факультет декандарының тәрбие ісі жөніндегі орынбасарлары, тәрбие жұмысы жөніндегі бөлім.

2. Оқу жылының бірінші және екінші жартыжылдығына арналып үйірме жұмыстарының сараптамалық есебін дайындау.

3. Үйірме жетекшілері мен мүшелерін ынталандыру үшін «Үздік студенттік үйірме» конкурсының ережесі дайындап, бекіту.

4. Университет жанындағы студенттердің ақпараттық жобалар зертханасының дамуына жан-жақты көмек көрсету, жұмысын жандандыру.