Электр қозғаушы күш. Тұйық тізбек үшін Ом заңы. Тізбекте ток болуы үшін токты тасымалдаушы Кулон күшінен басқа бөгде күш әсер етуі керек. Егер Кулон күші әр аттас зарядтарды өзара біріктіретін, потенциал айырымын теңестіретін, электр өрісін жоятын болса, бөгде күш керісінше әр аттас зарядтарды бір-бірінен бөледі де потенциал айырымын тудырады. Бөгде күштер токты токты тасымалдаушы бөлшектерге ток көзінің (гальваникалық элементтің, аккумлятордың, электр генераторының т.б.) ішінде әсер етеді. Егер Кулон күші зарядтың сыртқы тізбегі бойынша қозғалуын қамтамасыз етсе, бөгде күш зарядтардың ток көзінің ішінде электр өрісіне қарсы қозғалуын қамтамасыз етеді. Бөгде күштер ток көзінің энергиясы арқылы зарядтарды қозғау кезінде жұмыс істейді. Осы істелген жұмыстың зарядқа қатынасын электр қозғаушы күш (ЭҚК) деп атайды.
(10.16).
Тұйық тізбек үшін ток көзінің электр қозғаушы күші сыртқы және ішкі кернеудің кемуінің қосындысына тең болады: осыдан
(10.17).
Сонымен ток күші ЭҚК-ке тура, ал сыртқы және ішкі кедергілердің қосындысына кері пропорционал болады.
