Егер екі жазықтық өзара перпендикуляр болса, онда бір жазықтықта жазықтықтардың қиылысу сызығына перпендикуляр жүргізілген түзу екінші жазықтыққа перпендикуляр болады.
Көпжақтар. Көпжақтардың қималары
Көпжақтар
1
. Көп жақ ұғымы. Екі жақты бұрыш
Призма
3. Параллелепипед. Параллелепипедтің қасиеттері
1. Ортақ түзумен шенелген екі жарты жазықтықтан жасалған бұрыш екі жақты бұрыш деп аталады. (163-сурет)
163-сурет
Жарты жазықтықтар оның қабырғалары, ал оларды шенейтін түзу екі жақты бұрыштың қыры деп аталады.
Екі жақты бұрыштың қырына перпендикуляр жазықтық оның қабырғаларын екі сәуле бойымен қияды. Осы сәулелерден пайда болған бұрыш екі жақты бұрыштың сызықтық бұрышы деп аталады.
Екі жақты бұрыштың шамасы оның сызықтық бұрышынның шамасына тең болады.
Сондықтан екі жақты бұрыштың шамасы оның сызықтық бұрышын таңдауға тәуелді емес.
Бір  нүктесінен шығып, бір жазықтықта жатпайтын  сәулері берілсін.
  ,  ,  жазық бұрыштарынан құралған фигура үшжақты бұрыш деп аталып,  түрінде белгіленеді. (164-сурет)
164-сурет
Бұл бұрыштар үшжақты жақтары деп, ал сәулелер оның қырлары деп аталады. Жазық бұрыштардың ортақ төбесі үшжақты бұрыштың төбесі деп аталады. Оның жақтары арқылы жасалған екіжақты бұрыштар үшжақты бұрыштың екіжақты бұрышы деп аталады.
Стереометрияда дене деп аталатын кеңістіктік фигуралар зерттеледі. Дене - бетпен шектелген кеңістіктің бөлігі болып табылады.
Көпжақ - беті ақырлы санды жазық көпбұрыштар болатын дене. Егер көпжақ әрбір жазық көпбұрыштың жазықтығының бір жағында орналасса, онда дөңес көпжақ деп аталады. Осы көпбұрыштар жазықтығы көпжақтың жағы деп, ал жақтарының қабырғасы оның қыры деп, ал төбелері - көпжақтың төбесі деп аталады.
Көпжақтың бір жағына тиісті емес екі төбесін қосатын кесіндіні көпжақтың диагоналы деп атайды.
Достарыңызбен бөлісу: |
