Гастроэзофагальді рефлюкс ауруы

1 2 3 4 5

Байланысты:
ГЭРА Сабина

Емі

Емдік тамақтану және күн тәртібін ұйымдастыру.
ГЭРА-мен науқас жиі (күніне5-6 рет), аз мөлшерде тамақтануы тиіс.
Клапанның тонусын төмендететін тағамдар: кофе, шоколад, цитрустар, томат және оның шырыны берілмеуі керек.
Рефлюксте аз-аздан тамақтанып, соңынан серуендеуі жөн. Тамақтан соң иіліп, бүгілмей, 2-2,5сағ дейін, әсіресе кешкісін жатпау керек. Кешкі тамақты ұйықтардан 3 сағат бұрын ішкен дұрыс, ұйқы алдында жарты стакан айран пайдалы.
Емшектегі балаға даяр қоспалар беріледі: «Фрисовом», «нутрилон», «Сэмпер», әсері 10-14 күннен соң байқалады.

ГЭРА-емінде дәрілердің 3 тобы қолданылады:
Асқазан секрециясын төмендететін дәрілер (антацидтер, альгинаттар, гистаминнің Н2-рецепторларын тежегіштер).
Асқазан жолдарының моторлы-эвакуаторлық қабілетін қалпына келтіретін дәрілер немесе прокинетиктер.
Өңеш шырышының протекторлары.

Антацидтер кешенді дәрілер түрінде шығарылады,негізін алюминий, магний гидрототығы құрайды (алмагель, фосфалюгель, маалокс т.б). Дәрі тамақтан соң 1,5-2 сағ соң беріледі.
ГЭРА-ның ІІ-ІІІ дәрежесінде гистаминнің Н2 рецепторларының блокаторлары (ранитидин, фамотидин) қолданылады. Әдетте кешкі астан соң 1 рет беріледі.
Прокинетиктер (мотилиум, метоклопрамид)- 0,25 мг/кг есебінен күніне 3-4 рет, ересек балаларға 2-4 ретке тәуліктік мөлшері 15-40 мг.
Протекторлардан ең тиімдісі- сукральфат. Таблетканы ұсақтап, жылы сумен араластырып, күніне 3 рет ас алдында, ең соңғы мөлшерін түнде береді. Курсы 4-6 апта.

Консервативті емнің әсері болмаса немесе ГЭРА асқынуы болса, хирургиялық ем жүргізіледі:
ГЭРА-ның айқын белгілері және өңештің ауыр эрозивті- жаралы бұзылысының 12 ай бойы дәрілік емге бой бермеуі.
ГЭРА асқынулары: Баррет өңеші, қан кетулер, стриктуралар.
ГЭРА-ның диафрагманың өңештік тесігінің жарығымен қабаттасуы.

Достарыңызбен бөлісу:

1 2 3 4 5