Геологиялық БӨлім 1 Кен орны жайлы жалпы мәліметтер 4
Кен орнында қолданылатын жеке скважиналардың өнімдерін өлшеу мен есептеу жүйелері
жүктеу/скачать 0,57 Mb.
|
Дип.-Жетібай-кен-орнында-мұнайды-жинау-жүйесі
| 2.3 Кен орнында қолданылатын жеке скважиналардың өнімдерін өлшеу мен есептеу жүйелері.
Кен орынның топтау қондырғыларында скважина шығымын өлшеу үшін “Спутник” типтес өлшеу қондырғысы қолданылады. Ол келесі құрал-жабдықтардан тұрады: Скважинаның көп жүрісті айырып - қосқышы ПСМ-1; Гидроциклонды сеператор; Турбинды шығын өлшегіш ТОР-1; Гидрожетек ГП-1; Жергілікті автоматика блогы; КПР-180; КПР-1-150 клапындары. Өлшеу қондырғысы келесі ретпен жұмыс істейді. Скважиналардың манифольдтары өлшеп-айырып-қосқыш блоктың келте құбырларына кері клапандар арқылы қосылады. Скважина өнімі құбырлар байланысының бойымен ПСМ-1 айырып-қосқышына келіп түседі де жалпы коллекторда КПР-80 ажыратқышы арқылы өлшейтін гидроциклонды сеператорға бағытталады. Гидроциклонды сеператорда сұйықтың газдан бөлінуі жүреді. Газ келте құбыр бойымен газ желісінде қондырылған денгейді реттеуші кран арқылы жалпы коллекторға түсіп өлшенген сұйықпен араласады. Сұйық сеператордың төменгі ыдысына құйылады. ТОР-1 өлшегіші сызықтағы мұнай деңгейінің жоғарғы шегінен жоғары орналасқандығынан деңгейді реттегіштің қалытқысы берілген жоғарғы деңгейге жеткенде қалқып шығады. Газ желісіндегі кранды ашып-жауып әсер етеді. Сеператорда қысым жоғарылайды және ыдыстағы сұйық ТОР-1 өлшегіші арқылы ығыстырылып шығарылады. Сұйықтың деңгейі төмендегенде қалытқы газ желісін ашады, сеператорда қысым төмендейді де сұйық құйылудың жаңа циклы басталады. Гидроциклонды сеператордағы деңгейді реттегіш ірі диапазонда скважина шығымын өлшеуге болатын өлшегіш арқылы сұйықтық циклды өтуін қамтамасыз етеді. Сұйық мөлшері ТОР-1 өлшегішінде өлшеніп жалпы коллектормен бағытталады. Өлшенген скважиналардың шығымы басқару блогындағы электромагнитті өлшегіштерде бекітіледі. Басқару блогына ТОР-1 өлшегішінен дабылдар беріледі. Сонымен қатар өлшегіштің стрелкалы циферблаты бар. Онда да өлшеудің қорытындысы жазылады. Қазіргі кезде өндірістік басқармада газды өлшеу негізінен ДСС типті сильфонды дифманометрлермен жүргізіледі. Скважинаның газ факторын анықтау мақсатымен мұнайдан газдың бөлінуін өлшеу көкейкесті мәселелердің бірі екенін айта кету керек. Осы мақсатта қолданылатын дифманометрлер мұнай құйылып кетудің себебінен жалған көрсеткіштер береді, жиі қатардан шығып қалады. “Спутник” қондырғысының газ желісіне қондырылатын бұл шығын өлшегіштер “Агат” газ турбинды өлшегіштер шықпастан бұрын газ факторын өлшеу үшін қолданыла бастады. Бірақ, Маңғыстаудағы кен орындарда бұл өлшегіштер келесі себептерге байланысты өз құнын анықтамады: градуирлі қондырғының болмауы; жұмыс жағдайларының (қысым, температура, тығыздық) градуирлі жұмыс жағдайымен сәйкес келмеуі. Бұл өлшегіштерге өлшеу кезінде газбен бірге сепараторда айырылып үлгермеген сұйық та келіп түседі. Сол себепті градуирлі қондырғыда қабылданған ортаның тығыздығына қарағанда өлшенетін жұмыс ортасының тығыздығы тез өзгереді. Аспаптың өлшеу қателігі кейде 70-80 пайызға жетеді. Мұндай жағдайдан шығудың бір жолы газ өлшеу үшін жылжымалы қондырғыларды қолдану болып табылады. Қондырғы “Агат” өлшегіші мен дифманометр - шығын өлшегіш қондырылатын жылжымалы платформада монтаждалады. Өлшеу кезінде қондырғы “Спутниктің” газ желісіне қосылады. жүктеу/скачать 0,57 Mb. Достарыңызбен бөлісу:
|