Тенденция – қандайда бір құбылыстың, ойдың, идеяның дамуын бағыттау.
Тұрақты әскер – біркелкі қарумен, қару-жарақпен, киіммен жабдықталған, заңмен және жарғымен құрылу, қызмет ету және оқып үйрену тәртіптері белгіленген тұрақты құрылым.
Ұлт (нация) – қауымдастықтың қалыптасу процесінде оның аумағы, экономикалық байланыстары, тілі, мәдениетінің ерекшелігі мен мінез-құлығы қалыптасатын адамдардың тарихи қауымдастығы.
Ұлтшылдық – реакциялық идеология және саясат, сондай-ақ ұлттық мәселеде ұлттың артықшылығын насихаттайтын психология.
Ферма – жеке меншік немесе жалға алынған жерде кәсіпкерлікпен айналысатын жеке ауыл шаруашылығы кәсіпорны.
Федерация (лат. Foederatio одақ, бірлестік) – мемлекеттік құрылымның нысаны, онда федеральдық бірлестік құрамына мемлекеттік – федерация мүшелері кіреді.
Шовинизм – ұлтшылдықтың ең агрессияшыл түрі.
Автономия (грек. Autonomia - өзін-өзі басқару, тәуелсіздік) - бір мемлекеттің құрамындағы саяси-ұлттық құрылымның айрықша статус алып, өзінің ішкі проблемаларын дербес шешудің кең де ауқымды мүмкіндіктеріне ие болу.
Адаптация – жүйенің сыртқы және ішкі орта жағдайына бейімделу процесі.
Архив (лат. archivum) – тарихи маңызы бар құжаттар сақталатын мемлекеттік арнаулы мекеме.
Әкімшілік –іске нақты басшылықтың орнына бұйрықшыл-жарлықшыл әдісті қолданушылық.
Әлеуметтік құрылым – қоғамдық еңбек бөлінісіне, өндіріс күштерінің және өндірістік қатынастардың деңгейіне байланысты қалыптасқан қауымдардың тұтастығы және олардың өзара тұрақты қатынастары.
Бесжылдық. Бесжылдық жоспар – Кеңес өкіметінің 1929 жылдан бастап КСРО-ның әлеуметтік-экономикалық дамуын межелеген мерзімді жоспарларының жалпылама атауы.
Бұқаралық ақпарат құралдары (БАҚ) – жұртшылыққа жүйелі түрде хабар тарататын құралдар: баспасөз, радио, теледидар.
Босқындар – қоғамда белгілі бір күштердің (саяси, экономикалық, этникалық қысым, соғыс, табиғи апат) қысымына қарсы тұруға, төзуге шарасыз болудың әсерінен өз елінен басқа бір елге көшуге мәжбүр болған адамдар.
