Ережені бұзғаны үшін жазалау – алаңда бір мезгілде бесеуден артық ойыншы болса, онда оған кінәлі ойыншыға техникалық ескерту жасалады.
Жаттықтырушы – ойын кезінде командаға басшылық етеді. Ол қай ойыншының ойынды бастайтынын, кімді қалай ауыстыру керек екендігін шешеді, минуттық үзілістер алады, осы минуттық үзілісте ойыншылармен ақылдасып, сөйлесуге болады.
Команда капитаны – ойыншылардың ішінде төрешімен кез-келген мәселе бойынша сөйлесе алатын жалғыз ойыншы. Егер капитан алаңнан кететін болса, ол өзінің орнына бір ойыншыны тағайындап, оны аға төрешіге ескертеді. Капитан жаттықтырушыға ойынды жүргізуде, төрешіге алаңда ойыншылар тәртібін сақтауда көмектеседі.
Ойын – әрқайсысы 10 минут тұратын 4 кезеңнен тұрады. Бірінші кезең мен екінші кезең арасында 2 минут үзіліс болады. Екінші кезең мен үшінші кезең арасында 15 минут үзіліс беріледі. Қосымша кезеңдер (5 минут) ойын соңында есеп тең болған жағдайда тағайындалады. Қосымша кезеңде де ойын тең аяқталса, қай команда себетке бірінші доп салғанға дейін жалғасады. Бұл кезеңде уақыт есептелмейді.
