І механизм – Жасуша ішілік ферменттерді фосфорлау-дефосфорлау жолымен олардың активтілігін өзгертетін гормондар.
ІІ механизм – нәруыздар мен ферменттердің синтезделу жылдамдығын өзгерту жолымен әсер етуші гормондар.
ІІІ механизм – субстраттар мен иондар үшін плазма мембранасының өткізгіштігін өзгерту арқылы және ферменттердің активтілігін өзгерту жолымен әсер ететін гормондар.
Бірінші механизм
Бұл механизм бойынша нәруызды-пептидтік гормондар (инсулиннен басқа) және катехоламиндер әсер етеді. Олар гидрофилді гормондар, мембрана арқылы өте алмайды. Олардың рецепторлары плазма мембранасының сыртқы бетінде орналасады. Олар өз рецепторлармен байланысқанда, жасуша ішілік “делдалдардың” (екіншілік мессенджерлердің) мөлшері жоғарылайды.
