«Қазақстанның қазіргі заман тарихы» пәні
Пәннің мақсаты – адамзат қоғамының негізгі даму заңдылықтарына сүйене отырып студенттерді Қазақстанның қазіргі дәуірдегі тарихымен, терминдер мен түсініктерімен таныстыру, студенттердің Қазақстанның қазіргі заман тарихын дүниеге ғылыми көзқарас деңгейінде комплексті қабылдауына жағдай жасау.
.
Пәнді оқу міндеттері:
- ғылыми дүниетаным мен азаматтық ұстанымды қалыптастыратын Қазақстанның қазіргі заман тарихы білімін жүйелеу;
- Қазақ халқының этногенезі мәселесін, Ұлы Дала аумағындағы мемлекеттілік пен өркениеттер түрлері эволюциясын, аса маңызды тарихи фактілер мен оқиғалар жиынтығын, тарихтың сабақтары мен заңдарын тұтастай және объективті түрде қарастыруды көздеген қазіргі Отан тарихының ғылыми-негізді тұжырымдамасын жасау;
- полиэтникалық және поликонфессионалды қазақстандық қоғамды біріктірудің идеологиялық және рухани негіздерін қалыптастыру;
- жеделдетілген модернизация мен республиканың экономикалық және идеялық-мәдени жетістіктерге қол жеткізген даму моделін шынайы ғылыми тарихи білім мазмұнымен толықтыру;
- Дүниежүзілік тарих ауқымындағы бүгінгі Қазақстан қазіргі заман тарихының қайталанбас ерекшелігі мен маңыздылығын анықтайтын ғылыми қағидаларын ашу.
| 
