Тиынды судан құрғақтай алу
Қажетті реактивтер мен құрал-жабдықтар:
су
стақан
шұңғыл тәрелке
тиын
қағаз
сіріңке
Тәжірибе барысы:
Тәрелкеге суды құйып, ішіне тиынды саламыз. Енді сол тиынды қолымызды су қылмай, құрғақ күйінде алу керек? Ол үшін бір стақан алып, стақанның ішіне қағазды жағамыз. Стақан қызған кезде тәрелкедегі судың үстіне стақанды төңкеріп қоямыз. Сонда стақан тәрелкедегі барлық суды өзінің ішіне тартып, толтырып алады. Сонымен су стақанның ішіне жиналып, тәрелкедегі тиын да құрғайды.
Мінекей, біз қолымызды суға батырмай тәрелкеден тиынды ала аламыз.
Сіріңкесіз жағылған от
Қажетті реактивтер мен құрал-жабдықтар:
калий перманганаты
концентрлі күкірт қышқылы
этил спирті
темір қаңылтыр
кішкене әйнек
ағаш жаңқалары
мақта
Тәжірибе барысы:
К ішкене әйнектің үстіне шамалы калий перманаганатын салады да, оның үстіне бірнеше тамшы концентрациялы күкірт қышқылын тамызады. Бұл қоспаны темір қаңылтырға салады. Осы қоспаның айналасына ағаш жаңқаларын, от жағатындай етіп ошақ жасап үйеді. Бірақ ағаш жаңқалары қоспаға тимейтіндей болуы тиіс. Одан кейін бір түйір мақтаға спирт сіңіреді де, саусақтың арасына қысып қояды, ол басқаларға байқалмайтындай болуға тиіс. Қажет кезінде ошақтың үстіне жақындатып мақтаны қысып қалады, ол қоспаға тиген бетте от алып, ағаш жана бастайды.
Оттың жану себебі - спирттің де қуатты тотығуынан болады.
Сиқырлы сия
Достарыңызбен бөлісу: |
