Ы. Алтынсарин орта мектептің Педагог ұйымдастырушысының 2О13-2О14 оқу жылындағы жылдық қорытынды есебі. Мақсатым

Жылдық жоспар бойынша тәрбиенің 12 бағыты бойынша жұмыстар жүргізіп жатырмын. Жылдық жоспарым оқу жылының басында жасалып, бекітілген.

Тәрбие ісінің меңгерушісімен,мектеп тәлімгерімен,психологпен, әлеуметтік педагогпен бірлесіп жүргізетін жұмыстардың жоспары да жеке-жеке жасалып, бекітілген. Жоспар бойынша жүргізілген жұмыстарға тоқтала кетейін.

1.1-қыркүйек «Білім күні» мерекесін Құмөзек ауылындағы Ы.Алтынсарин мектебінің ұстаздар қауымы, ата-аналар, оқушылар айрықша қуанышты көңіл күймен атап өтті. Мойынқұм аудандық білім бөлімінің өкілі арнайы келіп, жиналғандарды білім күні, жаңа оқу жылының басталуымен құттықтады.Қарабөгет ауылдық округінен келген округ әкімінің орынбасары М.Момбеков мырза да өз тілегін білдірді. Мектебіміздің директоры сөз алып, оқушыларды ,ұстаздарды білім күнімен құттықтады. Жиын соңында 11 сыныптың үздік оқушысы Бейсембек Назерке мен 1 сыныпқа қабылданған жас бүлдіршіндеріміз Байұзақ Нүркен мен Аманжол Рабиға алғашқы қоңырауды сыңғырлата соғып, оқушыларға мектеп есігін ашты. Барлық сынып сағына күткен парталарына отырды. Мемлекеттік туымыз салтанатты түрде кіргізіліп, шығарылды.Барлық сыныптарда «Бір ел,бір халық,бір тағдыр» атты алғашқы ашық тәрбие сағаты өтілкізілді.