107
Жалған сөзбен бықсытар ел арасын
Жанбай қалған ағаштың шаласындай.
Соқтығып әркімге бір ұрынады
Сиырдың тентек болған танасындай.
Сондай жанның ешкімге сүйкімі жоқ
Жылқының қотыр болған аласындай.
Жақсы адам елдің ерке серкесіндей,
Халқының қалың жүнді көрпесіндей.
Жақсы болар баланың жүзі жылы
Орыстың күймей піскен бөлкесіндей.
Жақсының айтқан сөзі тиянақты
Түйенің аумайтұғын өркешіндей.
Жақсыға үлкен-кіші бәрі жақсы
Жасынан бірге өскен еркесіндей.
Жақсы кісі көрінер жыл құсындай,
Жаман адам балтаның ұңғысындай.
"Олақтан салақ жаман" деген мақал,
Жамандар түзей алмас тұрмысын-ай.
Жақсы адам жатты да жақын етер
Беттескен екі таудың тұрғысындай.
Жамандар өсек-аяң айтып жүрер,
Өзінің білмегенсіп қылмысын-ай!
Достарыңызбен бөлісу: 
