Ұшқыш қышқылдардың аниондарының қатысына сынама жүргізу. 6 тамшы бақылау ерітіндісін 5-6 тамшы 2 н күкірт қышқылымен қышқылдайды. Газ көпіршіктерінің қарқынды түрде бөлінуі ерітіндіде СО32- ионның қатысын көрсетеді. Қышқылданған ерітіндіні аздап қыздырады. Бөлінген газдың иісі жанған күкірттің иісіндей болса, SO32- анионның қатысын көрсетеді. Егер күкірттің бөлінуінен ерітінді лайланса және SO2 тән иіс сезілсе, онда S2O32- иондар қатысады. Газ шіріген жұмыртқа иісіндей болса, ерітіндіде сульфид- S2 ионы бар. Бөлінген өткір иісті, қоңыр газдың болуы нитрит- NO2- ионның қатысын көрсетеді. Сірке қышқылына тән иіс бөлінуі ерітіндіде ацетат- CH3COO- ионның қатысын көрсетеді.
Алдын ала зерттеудің қорытындысы бойынша, ерітіндіде кейбір аниондардың болмауы және басқа иондардың қатысатындығы туралы болжау жасалады. Бұл анализді жеңілдетеді. Алдын ала зерттеуден кейін аниондардың жүйелік анықтауына кіріседі.
Кейбір иондардың ашылуына басқа иондар кедергі жасайды, мұндай жағдайда иондарды бөлу немесе кедергі жасайтын иондарды жою операциясын орындау қажет.
