Лекция 5.Қазақстан Республикасының еңбек құқығы негіздері. 5.1.Жеке еңбек шарты, түрлері, мерзімі. Еңбекке орналастыру және жұмыспен қамтудың құқытық негіздері.
5. 2. Жұмыс уақыты. Демалыс уақыты. Кепілдік пен конпенсация. Еңбекті қорғау.
5.3.Еңбек тәртібі. Материалдық жауапкершілік. Еңбек даулары.
Жеке еңбек шарты, түрлері, мерзімі. Еңбекке орналастыру және жұмыспен қамтудың құқытық негіздері. Қызметкерлер мен жұмыс берушілердің әлеуметтік-экономикалық мүдделерін реттеу үшін шарттық негіздер қолданылады. Негізгілері: келісімдер мен еңбек шарттары.
Келісімдерге Республикалық Бас келісімді атауға болады немесе әлеуметтік серіктестік - үштіктің: Үкімет, Кәсіподақтар және Жұмыс берушілер арасындағы келісім жатады.
Еңбек қатынастары негізінен жеке еңбек шарттарымен және ұжымдық шарттармен реттеледі.
Жеке еңбек шарты - жұмыс беруші мен қызметкердің арасында жазбаша жасалған екі жақты келісім. Шарт бойынша қызметкер жұмыс берушінің актісін атқара отырып, белгілі бір мамандық, біліктілік немесе лауазым бойынша жұмысты орындауға, ал жұмыс беруші қызметкерге жалақысын және заңдар мен тараптардың келісімінде көзделген өзге де ақшалай төлемдерді уақытында және толық төлеуге, еңбек жағдайларын қамтамасыз етуге міндеттенеді.
