Құқық теориясының негіздері. Мемлекет және құқық теориясының қалыптасуы мен дамуының тарихы. «ҚР құқық негіздері»
жүктеу/скачать 49,98 Kb.
|
1 лекция Кукык жэне мемлекет
Ата-аналармен жұмыс, фото түсті металдар, Ы Алтынсарин
|
Құқық теориясының негіздері. Мемлекет және құқық теориясының қалыптасуы мен дамуының тарихы. 1. «ҚР құқық негіздері» пәнінің жалпы ұғымы. «Құқық негіздері» - заң ғылымдар жүйесіндегі базалық әдістемелік ғылым болып саналады. Құқық негіздері заң ғылымының барлық саласының объективті даму заңдылықтарын, бір-бірімен байланысын зерттеп, жалпылама тұжырымдар жасап отырады. Жалпы пән салалық ғылымдардың жетістіктерін пайдаланып, заң ғылымының негізін дамытып отырады. Курсты оқытудағы негізгі мақсат: құқық негіздеріне байланысты барлық ілімдерді меңгеру, негізгі категорияларды білу, мемлекет және құқық туралы мағлұмат алу болып табылады. Құқық негіздері пәнінің мақсаты – мемлекет пен құқықтың пайда болуының алғы шарттарын, себептерін теориялық және әдістемелік тұрғыдан қарастыру. Демократиялық, құқықтық мемлекет орнату жолындағы Қазақстан қоғамында жаңа құқықтық ойлауды, жалпы және құқықтық мәдениетті қалыптастыруды, жоғарғы кәсіби маман дайындауды жүзеге асыру. Құқық негіздері жоғарғы оқу орындарының барлық мамандықтарында оқытылатын міндетті пәндердің бірі. Бұл пән құқық пен мемлекет туралы жинақталған ұғымдарды оқытады. Адамзат қоғамын ежелден-ақ құқық пен мемлекет неге қажет?- деген сұрақ ойландырды. Құқық неге қажет? Мемлекеттің ролі қандай?-деген сұрақтарға жауап іздеді. Сондықтан мемлекет пен құқықтың пайда болуының заңдылықтарын оқыту негізгі міндеті болып табылады. Егеменді Қазақстан мемлекетінде Қазақстан қоғамының даму заңдылықтары, мемлекеттілігінің қалыптасуының жолдары бүгінгі күні мемлекет және құқықты жаңа мазмұнда оқытуды қажет етеді. Құқықтық мемлекет орнатудың ең басты мәні қоғам мүшелерінің құқықтық білімін жетілдіру, азаматтық-құқықтық қоғам орнату- құқықтық институттарының алдына жаңа міндеттер қояды. жүктеу/скачать 49,98 Kb. Достарыңызбен бөлісу:
|