Күйретілген, бірақ құрып кетпеген

Менің ойымша, Петір өз өміріне үстемдік құрудан бас тартқысы келмеді-ау. Ол өз аяғын жудыру керек пе, жоқ па, өзі шешкісі келді. Иса шынымен су бетінде жүрді ме, соған көзін жеткізгісі келді. Ол Исаның Өзін қалай Мәсіх деп жариялайтынын бәрінен жақсы білем деп есептеді.

Біз бәріміз Петірге ұқсаспыз. Әрқайсымыз бар күшімізбен биліктің тізгініне жабысып қаламыз. Біз ең соңғы сөзді өзіміз айтуды қалаймыз. Құдай күйрету үрдісі арқылы бізді өз шартымызды қоя алмайтын, тек: «Тәңірім Иса, мен не істеуім керек?» - дейтін жерге әкеледі. Петір Исаға: «Иә, мен Сенің бұйрығыңның бәрін орындап, кім бол десең, сол боламын. Мен бәрін Саған беремін», – деп шын жүректен айтқанша үш жыл керек болды.

Иса шегеленген соң, Петір балық аулауға қайтып оралды. Теңіз жағасында Иса оны тауып алды. Ол Петірден: «Петір, сен Мені сүйесің бе?» - деп сұрады.

Иса осы сұрақты үш рет қойып, Петір үш рет: «Иә, Тәңірім, менің Сені сүйетінімді Сен білесің ғой», - деп жауап берді.

Иса Петірге ерекше қызметті – «қойларға бас-көз болу», яғни бағушыға мұқтаж Өзінің ізбасарларының бәріне қамқорлық жасауды жүктеді. Ақыр соңында Петір Мәсіхтің еркіне толықтай мойынсұнды. Тәңір оған осы ерекше қызметті берді, ал 50-күн мейрамында осы қызметке қажетті күшті де сыйлады.

Қараңыз, Петір кейінірек не жазды: «Сол сияқты, сендер де, жастар, жетекшілерге мойынсұныңдар! Бәрің де арақатынастарыңда әрдайым кішіпейілділік танытыңдар! Себебі «Құдай тәкаппарларға қарсылық жасайды, ал кішіпейілдерге рақымын сыйлайды» (1Петір 5:5). Өзінің жазбасында ол Нақыл сөздер кітабынан мысалға аят келтіреді (қараңыз: Нақыл сөздер 3:34). Пауыл бұл сөздердің мағынасын жақсы түсінді. Белгісіз автордың өлең жолдары Петір мен сізге және бізге таныс күйреу үрдісі туралы баяндайды:
Құдай адамды салса бір жөнге,

Шабыттандырып кеңес те берсе,

Бүкіл әлемді тамсантып әрі,

Ұлылығын да бергісі келсе.

Ісіне Оның үйренші қатты.

Құдай таңдаса, сені мәңгіге,

Кемелді әрі мүлтіксіз болшы.

Күшті соққымен Ол жаратады.

Көзі сүрінген қалыпты әсем,

Өзі Оның қарап сүйсінер әлі.

Қамығып қатты күйзелер жаны.

Иіліп кетер, сынбайды бірақ,

Қасынан Оның кетпейді жырақ».

Көп жолдарменен дегенге жетер.

Өзінің нұрын көрсе деп адам,

Құдіретті Құдай әрекет етер.