іске асырылу шаралары қалай және қандай жолмен мүмкіндік болады.
Педагогикалық әрекеттерге қойылатын талаптардың дидактикалық принциптеріне (ғылыми принцип, мұғалімнің материалды жүйелі түрде бере алу принципі, оқытудағы көрнекілік принципі, информатика сабағындағы тәрбиелеу принципі) сәйкестігін талдамас бұрын, мыналарға ерекше көңіл бөлгеніміз жөн: информатика қарастыратын проблемалардың көптігі соншама, тіпті компьютерлік технологияны қарастырумен қатар, білімнің физика, химия, биология, әдебиет сияқты бөлімдерінің проблемаларын да қарастыруға тура келеді. Себебі, информатика – басқа білім салаларын интегралдайтын білімнің мүлдем жаңа саласы болып табылады.
Информатика – басқа пәндердің де дамытылуын қамтамасыз ете алатын іргелі, әрі маңызды пән. Ол басқа пәндерге берілетін білімді бір ортаға жинақтап, сұрыптап, оларға жаңа мән беріп, әлемдегі болып жатқан процестер мен құбылыстарды жаңаша жүйелі түрде оқып-білуіне, терең түсінуіне мүмкіндік береді. Информатика пәні – жаңа деңгейдегі және сапасы жағынан өзгеше пән болуы тиіс. Басқаша айтсақ «информатика – компьютердің көмегімен информацияны өзгерту және қолдана алу процестерімен байланысты адамзат әрекеттерінің бір бөлігі» (профессор Н.М.Макарова).
