«Өзін-өзі тану» пәнінің оқытылу жағдайын зерделеуді

Зерделенетін ұйымдардың таңдау тобы облыстағы, республикалық маызы бар қалалардағы білім беру ұйымдарының (оқытылу тілі ескеріле отырып) 25%-ын қамтуы керек. Таңдау тобының іріктелуін және өңірлік жұмыс тобы мүшелерінің білім беру ұйымдарына бөлінуін білім басқармасы іске асырады. Таңдау тобы кездейсоқ іріктелу әдісімен тізімделеді.

1. 
   Зерделеу келесі бағыттар бойынша жүргізіледі: «Өзін-өзі тану» пәні бойынша білім беру үдерісінің ұйымдастырылуы; білім беру үдерісінің мазмұны.
   
2. 
   Зерделеу барысында келесі әдістер қолданылады: құжаттама талдау, өзін-өзі тану сабақтарына қатысу және талдау, мұғалімдермен әңгімелесу, сауалнама.
   
3. 
   «Өзін-өзі тану» пәні бойынша білім беру үдерісінің ұйымдастырылуын зерделеу бойынша қызмет:
   
   1. 
      Оқушылардың пән бойынша оқулықтармен қамтамасыз етілуін тексеру;
      
   2. 
      Педагогикалық кадрлардың құрамы мен олардың біліктігін тексеру;
      
   3. 
      Әдістемелік жұмыстың жүргізілуін, өзін-өзі тану мұғалімдеріне әдістемелік қолдау көрсетілуін және олардың жұмыстарының бақылануын тексеру: директордың оқу ісі жөніндегі орынбасарының өзін-өзі тану сабақтарына қатысуы және педагогтарға семинар өткізуі; озық педагогикалық тәжірибенің зерделенуі және насихатталуы; педагогикалық кеңес отырыстарында «Өзін-өзі тану» пәнінің оқытылу сапасының талқылануы.
      
4. 
   Білім беру үдерісінің мазмұнын зерделеу бойынша қызмет:
   
   1. 
      Сабақ кестесіне сәйкес әртүрлі сыныптағы 8-10 өзін-өзі тану сабағына қатысу және талдау (1-қосымша);
      
   2. 
      Мұғалімдерге сауалнама жүргізу (2-қосымша);
      
   3. 
      Оқушыларға сауалнама жүргізу (орта буын және жоғары сынып) (3-қосымша).