Медицина қызметкерлерінің өзара қарым-қатынасы. Қарым-қатынас өзара құрмет пен көмекке негізделуі керек. Егер дәрігердің бұрын жіберіп алған қателіктері болса, оны науқастың көзінше айтуға болмайды. Медицина қызметкерлері жұмыстағы кемшіліктерді қызметкерлерге жекелей айтуы тиіс. Дәрігер, медбике, кіші медицина қызметкерлері арасындағы қарым-қатынас өзара сыйластық пен сенімділікке құрылуы тиіс және бір-біріне «сен» деп емес, «сіз» деп сөйлеуі керек.
Емдеу мекемесінің жұмысын үйлестіру және деонтология. Емдеу мекемесінде науқастың жүйкесіне мейлінше теріс әсер ететін жағдайды болдырмай, дәрігерге сенімділікті арттыратын жағдай туғызу керек. Әдемі интерьер, ыңғайлы жиһаз, қабырғадағы көркемсурет туындылары, палаталардың тазалығы, таза ауа, жақсы дыбыс оқшаулығы, туыстармен, достарымен кездесуге, әңгімелесуге жасалған жағдай, телефон, телевизор – бәрі нәтижелі ем қабылдауға ықпал етеді.
Достарыңызбен бөлісу: |
