Сабақтан кейін бақылаудағы оқушылардың пікірін білу

Бұл қадам өз кезегінде сабақ барысында мұғалімнің оқушының оқуы туралы бақылау нәтижесі мен оқушының нақты үрдіс туралы не ойлайтынының ара жігін ажырату үшін маңызды. Нұсқаулықта: «Сабақты зерттеу топтары зерттеу аяқталған соң оқушылардың пікірінше, не пайдалы болғанын, олардың нені білгенін және олардың көзқарасы бойынша, оны одан да пайдалырақ ету үшін, сабақты тағы бір рет өткізсе нені өзгертуге болатыны туралы пікірін білу үшін бақылаудағы оқушылармен жиі сұхбаттасып тұрады», деп айтылған. Екінші жағынан, Джин Роддок ұсынған «Оқушы үні» жобасы бойынша Ұлыбритания зерттеушілері жүргізген зерттеулер нәтижесінде оқушылардың:

• 
  өзгелердің өздерін құрметтейтіндігін, оларды тыңдап, пікірлерімен санасатындығын сезінгенін;
  
• 
  мәселені шешуде олардың пікірлері есепке алынатындығына көздерін жеткізгенін;
  
• 
  өзіндік білім алуын бақылау деңгейін анықтай алатындарын;
  
• 
  мектеп пен оқуға деген жағымды қарым-қатынас қалыптасқанын айтқан (Мұғалімдерге арналған нұсқаулық, 2(негізгі) деңгей, «Назарбаев Зияткерлік мектептері» ДББҰ Педагогикалық шеберлік орталығы, Астана қ. 2013ж.).