Ақмола облыстық жастар денсаулық орталығында «Салауатты өмір салты – денсаулық кепілі» атты кездесу өтті. Бұл орталыққа кәсіптік бағдар беру мақсатында «Жұмбақтас» және «Көкшетау» шаңырақтарының оқушылары қатысты. Азаматтық-патриоттық тәрбие бағыты негізінде «Ұлы Жеңістің 74 жылдығына» орай 2 сыныптар арасында «Жұлдызды сәт» атты интелектуалды сайыс өтті. «7 мамыр - ҚР Отан қорғаушылар күні» мерекесіне орай ұйымдастырылған абаттандыру-көгалдандыру жұмысы негізінде мектеп-лицей ауласына 30 түп қарағай ағашы отырғызылды. Білім алып отырған мекеменің ауласын абаттандыру-оқушылардың еңбек тәрбиесіне бейімделуіне негізделген. «7 мамыр – Отан қорғаушылар күніне» орай «Ұранды елдің – ұрпағы қайсар» тақырыбында салтанатты сап түзеу өтті. «7 мамыр – Отан қорғаушылар күні және 9 мамыр – Ұлы Отан соғысындағы Жеңістің 74 жылдығы» мерекелері қарсаңында «Оқжетпес» шаңырағы «Дара тұлға» жобасы аясында тәжік-аудан соғысының ардагерлері Баширов Қайрат, Нуркасимов Талғат батырларымызбен кездесу ұйымдастырды. Осы мерекеге орай «Жеке батыр» шаңырағы «Ана туралы баллада» атты танымдық сағатын өткізді. «Ұлы Жеңістің 74 жылдығына» орай ұйымдастырылған ашық патриоттық акцияға «Қайсарлық пен қаһармандыққа тағзым» ұранымен мектеп-лицейінің түлектері елді жау езгісінен азат еткен ержүрек есіл ерлерді еске алып, «Мәңгілік алау» ескерткішіне гүл шоқтарын қойды.
