«Баланың мұрын жолдарының күтімі»
Әзірле: стерильді тығыз шиыршықталған дәке, пинцет, өсімдік майы, мензурка, қолғаптар, КБУ, дез ерітінді.
Іс-әрекет алгоритмі:
Баланың анасына іс-әрекеттің жүргізілуі мен мақсатын түсіндіріп, келісімін алыңыз
Қолды гигиеналық деңгейде жақсылап тазалап, қолғапты киіңіз.
Жөргектеу үстелін залалсыздандырушы ерітіндімен өңдеңіз, таза жаялық жайыңыз.
Баланы жөргектеу үстеліне жатқызыңыз.
Сол қолдың саусағымен баланың басын қозғалтпай ұстап, бас бармақпен мұрынның ұшын сәл көтеріңіз.
Мензуркаға стерильді өсімдік майын құйыңыз.
Стерильді тығыз шиыршықталған дәкені пинцетпен алыңыз да стерильді өсімдік майына батырып оң қолыңызға алыңыз.
Шиыршықталған мақтаны айналма әрекетпен мұрын жолдарына 1-1,5 см тереңдікке енгізіп 1-2 минутқа қалдырып айналдырмай шығарып алыңыз.
Шиыршықталған басқа мақта алып және осындай әдіспе екінші мұрын жолын да тазалаңыз.
Қолданылған дәкелерді КБУ-ге салыңыз, ал қолданылған пинцетті дез ерітіндіге.
Қолғаптарды шешіп КБУ-ге салыңыз
Қолыңызды жуып кептіріңіз.
Достарыңызбен бөлісу: |
