«Баланың көзіне тамшы тамызу техникасы»
Мақсаты: дәрілік
Көрсеткіші: көз қабынуы, асқынуы
Әзірлеңіз: стерильді көз пипеткасы, тампондар, дәрілік заттар, пинцет, лоток, қолғаптар, КБУ, дезерітінді.
Іс-әрекет алгоритмі:
Баланың анасына іс-әрекеттің жүргізілуі мен мақсатын түсіндіріп, келісімін алыңыз
Дәрілік заттардың жарамдылық мерзімін қараңыз( атын оқыңыз, концентрациясын, жарамдылық мерзімін) және пипетканы.
Қолды гигиеналық деңгейде жақсылап тазалап, қолғапты киіңіз.
Жөргектеу үстелін залалсыздандырушы ерітіндімен өңдеңіз, таза жаялық жайыңыз.
Баланы жөргектеу үстеліне жатқызыңыз,
Қажет болған жағдайда көз күтімін жүргізіңіз.
Сол қолыңызға тампонды алыңыз.
Дәрілік затты пипеткаға толтырыңыз.
Баланың төменгі яғни көз астын сол қолыңыздың 2-ші саусақ көмегімен тампон арқылы төмен тартыңыз.
Оң қолыңыздағы пипетканы ыңғайлы болатындай етіп орналастыра отырып, көзден 1-2 см арақашықтықта бір тамшы тамызыңыз. Бірнеше секундтан кейін екінші тамшы тамызыңыз.
Көз астын жіберіп, қалған тамшы қалдығын тампонмен сүртіңіз.
Екінші көзге дәл осылай қайталаңыз.
Қолданылған дәкелерді КБУ-ге салыңыз, ал қолданылған пинцетті дез ерітіндіге.
Қолғаптарды шешіп КБУ-ге салыңыз
Қолыңызды жуып кептіріңіз.
Достарыңызбен бөлісу: |
