11-сынып
Астаналар тарихы
Қазақ хандығы XV ғасырда құрылған. Қазақ хандығының тұңғыш ханы – Жәнібек. Ал XVII ғасырда Тәуке хан басқарған бұл хандық мемлекет ретінде танылды. Қазақ хандығының астанасы Түркістан қаласы болған. Ал Абылай хан билеген кезде хандық үш жүзді бір тудың астына біріктірді.
Ежелгі аты Ясы болған Түркістан қаласы – түркі тектес халықтардың қасиетті мекені.
1920-1925 жылдары Қазақ АССР-і болған республиканың астанасы Орынбор қаласы болды.
1925 жылы ел астанасы Орынбордан Ақмешітке ауыстырылды. Қаланың атауы «Қызылорда» деп өзгертілді.
1929-1997 жылдары еліміздің астанасы Алматы қаласы болды. Бұл қалада елімізді әлемге танытқан талай саяси әрі экономикалық бетбұрыстар іске асты.
1997 жылы 10 желтоқсанда Қазақстанның астанасы Ақмола қаласына ауыстырылды. Жаңа астананы әлемге таныстыру рәсімі 1998 жылы 10 маусымда өтті. Елордамыздың атауы Ақмоладан Астанаға 1998 жылы ауыстырылса, 2019 жылдан бастап Нұр-Сұлтан деп аталады.(125 сөз)
Достарыңызбен бөлісу: | 
