Жаттығу № 1. Жарықтың шағылу заңдарын тексеру және сфералық айналардың фокустық қашықтықтарын табу. Жарықтың шағылу заңын тексеру. Оптикалық шайбаға жазық айнаны бекіту керек. Айнаның полюсы шайбаның центрімен сәйкес келіп, оның шағылдырушы беті ортаңғы сәулеге перпендикуляр етіп қондырылуы керек.
Шайбаның жарықтандырушы жарық көзін айналдыра отырып, сәуленің айнаға түсу бұрышын өзгертеміз. Сонда шағылу бұрышы да өзгереді.
