3 АЙҒА ДЕЙІНГІ БАЛАНЫҢ СЕЗІМДЕРІ МЕН ҚАРЫМ-ҚАТЫНАСЫНЫҢ ДАМУЫ Баланың өмірі алғашқы рефлекстік айғайынан баста-
лады. Өмірінің алғашқы күндері және апталары бала
жағымсыз жайттарға (ауыру, ашығу, ұйқысы келу) өзінің
теріс көзқарасын айғаймен, жылаумен, ұзақ уақыт бойы
қимыл-қозғалыста болуымен білдіре алады. Бірте-бірте,
өмірінің әрбір жаңа күні өткен сайын, баланың жылауы
да туу себептеріне қарай әртүрлі бола бастайды, ал анасы
сол себептерді ажыратуды үйрене бастайды. «Түрлен-
дірілген айғай-жылау» деп аталатын
кезең орын алады. Бұл кезең баланың
эмоционалдық дамуы
үшін де, «ана-бала»
екілігінде тұрақты
және тиісті байла-
ныс қалыптасуы үшін де
айрықша маңызды болып
саналады.
