4. Харамға жататын «оңаша қалу» Бөгде әйелмен оңаша қалу – ерлі-зайыптылық өмірдің
шырқын бұзатын ең қатерлі істердің бірі. Бұл еркектің де, әйелдің
де көңілінің түбінде жатқан құмарлық құртының оянуына,
араларына шайтанның кіруіне себепшi болады. Пайғамбарымыз
(с.а.с.) мұндай оңаша қалудан ерекше сақтандырған. Абдуллаһ
ибн Аббас (Аллаһ әкесі екеуіне разы болсын):
«Пайғамбар (с.а.с.): «Ешқашан да, бiрде-бiрiң бөгде әйелмен жалғыз қалмаңдар» , – деді» , – деген
1
.
Омар ибн әл-Хаттаб (Аллаһ оған разы болсын):
«Аллаһ елшісі (с.а.с.): «Еркек (бөгде)
әйелмен оңаша қалса, үшіншісі шайтан болады» , – деді» , – деген
2
.
Ал ендi еркек пен әйелдiң көбiне-көп оңаша қалатын жерлерiн
атайтын болсақ, оларға мыналар жатады:
1. Емханалар. Емханаларда дәрігерлер мен мейірбикелер
көбiнесе кезекшiлiк кезiнде оңаша қалады.
2. Сауда фирмаларының және үкімет орындарының кеңселері.
Онда ерлер мен әйелдер бірге жұмыс істегендіктен, кеңседе
оңаша қалу қалыпты жағдай. Осының салдарынан көптеген
келеңсiздіктер,
түсініспеушіліктер
туындап,
ерлі-зайыпты
адамдардың арасына от түсіп, шаңырақтарына қауіп төнеді.
1
Әл-Бұхари, Муслим.
2
Әт-Тирмизи, ән-Нәсәи.
