2. Бағдарлама 2.1 Кіріспе Әртүрлі өмірлік жағдайлар жедел медициналық көмекті қажет етеді, ал көмекті дұрыс және уақтылы көрсету зардап шегуші немесе науқас тағдырына тікелей әсер етеді.
Қай медицина саласының маман дәрігері болмасын жедел медициналық жәрдем бере білу оның бірінші парызы болып табылады. «Жалпы медицина» мамандығы бойынша оқуын тамамдаған дәрігер-түлек Республикамыздың ересек және бала тұрғындарына шұғыл медициналық көмекті кәсіби деңгейде орындай білуі керек. Өміріне қауіп төндіретін шұғыл жағдайларды диагностикалаудың негізгі принциптерін, дәрігерге дейінгі алғашқы көмек көрсету ережелерін білу кез келген саланың медицина қызметкерінің дұрыс көмек көрсетуіне көмектесіп, мыңдаған зардап шегушіні және науқастанғандарды өлімнен алып қалады.
2.2 Пәннің мақсаты ішкі ағзалар аурулары кезіндегі әртүрлі ауыр жағдайларды науқастардың жасына байланыссыз анықтай және жедел жәрдем бере білуі, сонымен қатар төтенше жағдайларда (суға бату, тұншығу, жарақаттар, уланулар және т.б.. дәрігерге дейінгі алғашқы көмек көлемінде жедел медициналық жәрдем беру мәселелері бойынша студенттердің дағдыларын қалыптастыру
2.3 Пәннің міндеттері
студенттерге шұғыл жағдайларды диагностикалаудың негізгі принциптерін үйрету;
студенттерге әртүрлі шұғыл жағдайларда алғашқы дәрігерлік көмек көрсетуді үйрету;
тұлға аралық қарым-қатынас дағдыларын және пациенттерге кеңес беруді жетілдіру.
студенттерді медициналық қызметкерлердің, пациенттердің құқығы мен міндеттерімен таныстыру және пациенттің өз денсаулығына жауапкершілігін арттыру үшін ағарту жұмыстарын жүргізуді үйрету.
студенттерді үнемі білімін жоғарлатуға, өзінің кәсіби имиджімен айналысуға қызықтыру, өзінің кәсіби қызығушылығын СҒӨЖ арқылы іске асыруға және университеттің тіршілігіне белсенді қатысуға баулу
