Практикалық бөлім
І Сұрақтар мен тапсырмалар.
1. Қандай сөз табын үстеу дейміз?
2. Үстеудің мағыналық түрлерін атап, мысалдар келтір.
3. Үстеу қандай сөйлем мүшесі бола алады.
4. Қандай сөз табын еліктеу сөз дейміз?
5. Еліктеу сөздердің мағыналық түрлері атап, мысалдар келтір.
6. Қандай сөз табын шылау дейміз?
7. Шылаудың нешеге бөлінеді? Шылаудың түрлері бір-бірінен қалай ажыратылады?
8. Одағай дегеніміз қандай сөз табы? Одағайдың қандай түрлері бар?
ІІ Жаттығу жұмысы
10-жаттығу. Сөйлемдегі сөздерге кешенді сатылай талдау үлгісі бойынша морфологиялық талдау жаса.
Кешікпей тағы да мылтық даусы гүрс-гүрс шықты. Аттылар бұрылып келіп, дөңгелене отырған жиынға жапыр-жұпыр сәлем берісіп амандасып қалды. Қараңғыдан қылаң етіп бір аттылы адам шыға келді. Сені ойда орыс, қырда қазақ түгел біледі. Бұл жиында Ызғұтты, Жақып сияқты үлкендер және баладан Құдайберді, Абай бар. Жатақтың бала-шағалары мен кәрі-құртаңдары әдемі ат мінген жігітке әрі таңданып, әрі жатсырап қарайды. Өзі де, баласы да үндемейді. Жаза да алады, сөйлей де алады. Ешкім үндемейді, өйткені бұндағы кісілердің бәрі де қарт әйелдің даусын білетін. Өзге кепенің адамдары тарағаннан кейін, бұл кепенің адамдары Тақметті ортаға ала асқа отырды.
23-24 сабақтар
Достарыңызбен бөлісу: |
